Champagne Castle

Champagne Castle is 'n bergpiek in die Sentrale Drakensberge in KwaZulu-Natal, Suid-Afrika.^[1] Dit is die tweede hoogste bergpiek in Suid-Afrika. Om dit lê ander pieke, waaronder Cathkinpiek (3 149 m), Sterkhorn (voorheen bekend as Mount Memory), Monk's Cowl en Dragon's Back.

Champagne Castle
Cathkinpiek voor met Champagne Castle links agter in wolke bedek.
Ligging	KwaZulu-Natal, Suid-Afrika
Hoogte	3 377 meter bo seevlak
Reeks	Drakensberge
Koördinate	29°04′53″S 29°19′41″O
Eerste bestyging	Vroeë 20ste eeu
Eerste bestyger(s)	Ds. Stocker
Maklikste roete	Stap
Champagne Castle

Die Champagne Castle-bergreeks vanaf die suide.

Volgens oorlewering het twee onverskrokke bergklimmers, David Gray en majoor Grantham, die piek direk aan die voorkant van Cathkin af uitgeklim. Toe hulle hul oorwinning wou vier, val die bottel sjampanje op 'n rots stukkend en is die berg terstond Champagne Castle gedoop.

Cathkinpiek het sy naam aan 'n immigrant van Lanarkshire, Stephan Snyman, te danke. Snyman het die piek na 'n koppie in Glasgow, genaamd Cathkin Braes, genoem.^[2]

Die Champagne Castle-hotel bied 'n praguitsig oor die bergpiek. Op die perseel is rondawels wat in 1941 deur Italiaanse krygsgevangenes gebou is. Staproetes kan 'n entjie verder in die pad af, by Monk's Cowl, aangedurf word.

Sien ook

• Lys van bergpieke in Suid-Afrika

Verwysings

1. HAT Taal-en-feitegids, Pearson, Desember 2013, ISBN 978-1-77578-243-8
2. Dodds, David A. (1975). A Cradle of Rivers, The Natal Drakensberg. Cape Town: Centaur. p. 43. ISBN 0-908379-43-9.