plat been in die middel voorste deel van die ribbekas From Wikipedia, the free encyclopedia
Die borsbeen of sternum is ’n lang platbeen in die middelste deel van die bors. Dit dien as vashegplek vir die ribbes deur middel van kraakbeen en vorm die voorkant van die ribbekas; dit help dus die hart, longe en groot bloedvate beskerm. Dit is rofweg in die vorm van ’n das en is een van die grootste en langste platbene in die menslike liggaam. Die drie dele daarvan is die manubrium, hoofdeel en ensiforme kraakbeen.[1] Die woord "sternum" kom van die Griekse στέρνον sternon, wat "bors" beteken.
Borsbeen | ||
Inligting en eksterne bronne | ||
![]() | ||
Dele van die borsbeen – die manubrium (groen), hoofdeel (blou) en ensiforme kraakbeen (pers). | ||
![]() | ||
Die posisie van die borsbeen (rooi). | ||
Inligting | ||
Latyn | Sternum | |
Ligging | Bors | |
Werking | Bied vashegplek vir ribbes Help met asemhaling Beskerm organe soos die hart en longe | |
Eksterne bronne | ||
MeSH | D013249 | |
FMA | 7485 |
Die borsbeen is ’n lang platbeen wat die middelste deel van die voorkant van die bors vorm. Die bokant steun die sleutelbene en die kante is verbind met die kraakbeen van die eerste pare ribbes. Die binneste oppervlak van die borsbeen is ook die vashegplek van die sternoperikardiale ligamente.[2]
Die borsbeen bestaan uit drie dele, van bo af die:
In sy natuurlike posisie loop die borsbeen effens skuins na voor en onder. Dit is breed aan die bokant en is soos ’n "T" gevorm; dit word smaller by die punt waar die manubrium aan die hoofdeel vas is, loop dan weer effens breër tot onder die middel van die hoofdeel en dan weer nouer na onder.
In volwassenes is die borsbeen gemiddeld sowat 17 cm lank (langer by mans as by vroue).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.