Die boeglynknoop is 'n knoop wat die basis van die dubbele boeglynknoop en dubbele waterboeglynknoop vorm.
Dit is 'n baie sterk, veilige knoop, wat nie maklik losgaan wanneer dit gebruik word nie, maar het die voordeel dat dit maklik na gebruik losgemaak kan word. Hierdie knoop is ook baie vinnig en maklik om te knoop en die lus verskuif nie onder las nie.
Die knoop is gewild onder bergklimmers, omrede dit 'n sterk en baie veilige knoop is. Alhoewel die syfer 8-knoop effens sterker is, verkies meeste bergklimmers hierdie knoop, of die soortgelyke waterboeglynknoop.
Aangesien hierdie knoop se lus nie onder las skuif nie, en vinnig en maklik geknoop kan word, is dit 'n bruikbare knoop vir reddingswerk. Voorbeelde hiervan is vir 'n tou rondom 'n persoon se lyf (onder die arms) wanneer iemand opgehys moet word, of nadat iemand oorboord geval het.
Dit is ook 'n baie handige knoop vir alledaagse gebruik. Beide die dubbele boeglynknoop en waterboeglynknoop is beter knope a.g.v. die dubbele lus.
A. Maak 'n lus in die tou.
B. Ryg die kort punt van die tou deur die lus.
C. Trek die kort punt agter om die lang kant van die tou, en ryg dan die punt weer deur die lus.
D. Trek die lang kant van die tou en die lus om die knoop styf te trek.
Let wel: Maak seker dat die lus die verlangde grootte is voor dit styfgetrek word, aangesien die lus nie verstel kan word sonder om die knoop los te maak nie.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
