Alexis Preller (6 September 1911 – 13 Desember 1975) was ’n Suid-Afrikaanse surrealistiese skilder. Hy is in Pretoria gebore en het aan Pretoria Boys High School gematrikuleer. Daarna het hy as ’n klerk gewerk voordat hy sy familie oortuig het dat hy ’n kunstenaar wil word. In 1934 vertrek hy na Londen waar hy vir Pierneef ontmoet en dié oortuig hom om by die Westminster School of Art in te skryf.
Alexis Preller | |
|---|---|
| Gebore | 6 September 1911 |
| Sterf | 13 Desember 1975 (op 64) Pretoria |
| Nasionaliteit | Suid-Afrika |
| Beroep | Skilder |
Hy keer in 1935 terug na Pretoria waar hy sy eerste uitstalling hou. In 1937 gaan hy na Parys en studeer by die Grande Chaumiere onder Othon Frieze. Op pad terug na Suid-Afrika vertoef hy eers in Switserland. In 1938 word hy deel van New Group en word ingesluit in hulle eerste uitstalling. Hy gaan in 1939 op safari na die Kongo maar die Tweede Wêreldoorlog breek uit en hy moet terugkeer na Suid-Afrika. Na die oorlog gaan hy op 'n studietoer na Londen en Parys. Hy reis deur Zanzibar en die Seychelle tussen 1948 tot 1949. In die periode voltooi hy verskeie skilderye.
In 1953 vertrek hy op 'n tweede studietoer, dié keer na Italië en Egipte. Hy vestig hom op ’n plaas naby Hartbeespoortdam. Gedurende 1968 reis hy na Griekeland en Italië. Hier begin hy skryf aan sy outobiografie. Hy hou sy laaste uitstalling in 1975 in Johannesburg en sterf later die jaar aan ’n hartaanval.
Preller word gereken as die belangrikste surrealis in die Suid-Afrikaanse kuns en was ’n skilder van figure, koppe, torso’s, diere, stillewes en het later inspirasie geput uit die klassieke oudheid. Hy het onder meer die muurpaneel ‘Die Ontdekking’ as opdrag vir ’n konferensiekamer in die hoofkantoor van die Transvaalse Provinsiale Administrasie in Pretoria gedoen. Daar is voorbeelde van Preller se skilderkuns in die belangrikste kunsmuseums en -versamelings in Suid-Afrika.
- http://www.absolutart.co.za/masters/alexis-preller
- Wood, Joy: Alexis Preller se magnum opus. In: Lantern. Tydskrif vir Kennis en Kultuur. Jaargang 16, nr. 2, Desember 1966
- R v G (Augustus 1991). "Hulde aan Alexis Preller". Lantern: die kultuurtydskrif. 40 (3).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
