From Wikipedia, the free encyclopedia
Al-Wâ’ki’a (Arabies: الواقعة, "Die Gebeurtenis") is die 56ste soera, of hoofstuk, van die Koran. Dit bevat 96 ajat, of verse, en is vermoedelik in Mekka aan Mohammed geopenbaar. Die naam van die soera kom uit vers 1.
Die hiernamaals is die hoofonderwerp van die hoofstuk. Dit sluit aan by die vorige hoofstuk, Ar-Rahman, wat die beloning van die gelowiges in die Paradys bespreek. Dié hoofstuk noem ook die beloning, in teenstelling met die straf in die hel. Dit onderskei ook tussen drie klasse mense in die hiernamaals: "die vooruitstrewendes", "die mense aan die regterkant" en "die mense aan die linkerkant".[1] Die eerste twee groepe sal hemel toe gaan, terwyl die mense aan die linkerkant hel toe sal gaan. Hier word "die regterkant" vereenselwig met goedheid en gelowigheid. Die "vooruitstrewendes" is 'n spesiale groep mense op wie selfs 'n beter lot wag as die mense aan die regterkant.
Kenners van die Koran verskil oor wie die "vooruitstrewendes" is. Hulle word om die beurt geïdentifiseer as die profete, heiliges, getroues, martelaars, die eerste mense wat Islam aanvaar het en ander.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.