Аԥсны аҳәынҭқарратә гимн
From Wikipedia, the free encyclopedia
Аҳәынҭқарратә гимн
Аиааира - Аԥсны Аҳәынҭқарра амилаҭтә гимнуп. Агимн амузыка авторс дамоуп акомпозитор Валери Ҷкадуа, атекст – апоет Геннади Аламиа.
1992 шықәсазы Аԥсны ахьыԥшымра анрылаҳәаха, ишьақәырӷәӷәан аҳәынҭқарратә гимн. С. Багаԥшь атәыла Ахадас иалхра ашьҭахь, 2007 шықәса жьҭаарамза 24 рзы ахԥатәи ааԥхьарала ирыдкылан «Аԥсны Аҳәынҭқарратә гимн азы» азакәан апроект. Аԥсуа Гимн шьаҭас иаиуит Қырҭтәылатәи Адемократиатә республика ар Аԥсны аоккупациа аназыруз аамҭазтәи (1918-1921 шш.) ашәа «Кьараз».
Аԥсны Аҳәынҭқарратә гимн официалла Аԥсны аҳәынҭқарратә символны иԥхьаӡоуп, закәанла иарбоу аҭагылазаашьақәа раан инарыгӡо музыкатә-поезиатә рҿиамҭоуп.
Аԥсны Аҳәынҭқарратә гимн ишьақәырӷәӷәоу амузыкатә редакциеи атексти ирықәыршәаны инагӡазароуп.