Chúi-ti
From Wikipedia, the free encyclopedia
Chúi-ti (Ha̍k-miâ: Hydrochoerus hydrochaeris) sī Chúi-tûn Sio̍k hā chhun ê nn̄g chióng seng-bu̍t chi it. I sī chi̍t-khoán pòaⁿ chúi-chhe ê Chia̍h-chháu Tōng-bu̍t, mā sī sè-kài siōng thé-hêng siōng tōa ê Giat-khí-lūi tōng-bu̍t. Goân-sán-tē sī Lâm Bí-chiu tû-liáu Chile í-gōa ê só͘-ū se-chhiū chháu-po͘ kah chhiū-nâ lāi-té.
Quick Facts Kho-ha̍k hun-lūi, Ha̍k-miâ ...
Chúi-ti | |
---|---|
Iá-seng chúi-ti. Tī Pa-se Pantanal Tâm-tē hip--ê | |
Kho-ha̍k hun-lūi | |
Kài: | Animalia |
Mn̂g: | Chordata |
Kong: | Mammalia |
Bo̍k: | Rodentia |
Kho: | Caviidae |
Sio̍k: | Hydrochoerus |
Chéng: | H. hydrochaeris |
Ha̍k-miâ | |
Hydrochoerus hydrochaeris (Linnaeus, 1766) | |
Chúi-ti ê chū-liân hun-pò͘ sī iōng chheⁿ-sek hián-sī |
Close
Chúi-ti sī ko-tō͘ siā-hōe-hòa ê tōng-bu̍t, siōng tōa ê chúi-ti tīn ê sò͘-liōng ē-tàng kàu 100 chiah, m̄-koh thong-siông tī 10-20 chiah chi-kan. Sui-liân kóng, in-ūi i ê bah kah phôe-mo͘ ū lī-iōng kè-ta̍t, só͘-í ē hō͘ lâng pó͘-lia̍h, iah-m̄-koh chit-khoán bu̍t-chéng iah bô che̍h-chéng ê hûi-hiám.