გენუა
From Wikipedia, the free encyclopedia
გენუა (იტალ. Genova [ˈdʒɛːnova]) — ნოღა ოორუე იტალიას, გენუაშ ჸუჯიშ (ლიგურიაშ ზუღა) წყარპიჯის. უკებჷ 30 კმ სიგჷრძაშ ინწრო წყარპიჯიშ ღოზი (იტალიაშ რივიერა). გენუაშ პროვინციაშ დო ლიგურიაშ ოლქიშ თარი ნოღა. 580,097 ვითოში მახორუთ (2018). ნოღა-ალმაშარეწკჷმა ართო აკმოქიმინჷნს ურბანიზაფილ რაიონს — დიდ გენუას.
ნოღა
გენუა
Genova
|
ჯვეშო გენუა ლიგურეფიშ ოხორუე რდჷ. ჯვ. წ. III ოშწანურას რომაალეფქ ქჷდიჸუნეს დო რომიშ სახენწჷფოშ ართ-ართი შანულამი ოვაჭარე ონიშოლო გჷნირთჷ. ორდოშიან შქა ოშწანურეფს გენუაშ ეკონომიკური შანულობაქ ქჷდანთხჷ. ლანგობარდეფიშ ბორჯის (641 წანაშე) გენუა ოჰერცოგე, IX ოშწანურაშე სამარკგრაფოშ ცენტრი რდჷ. XI ოშწანურას, ტირენიაშ ზუღაშ ოორუე ნორთიშ არაბეფშე გოდუდიშულაფაშ უკული, გენუაქ თელარი ვაჭრუა დიჭყჷ ობჟათე იტალიაწკჷმა, სიცილიაწკჷმა, ესპანეთწკჷმა, აფრიკაწკჷმა. ჯვაროსნულ ლესქერობეფს კათაფაქ გენუა უნძალიარაშ ოურდუმე-ოზუღე სახენწჷფოთ გჷნართინუ. XII ოშწანურას გენუა ნოღა-კომუნას წჷმარინუანდჷ. გენუაშ თარი აწმარენჯეფი რდეს პიზა დო ვენეცია.