نسل (انسانی زمرہ)
From Wikipedia, the free encyclopedia
ماہرین انسانیات نے رنگ، روپ، شکل اور دیگر جسمانی علامات کی بنیاد پر انسانی ہیئت پر انسانی زمروں کو زمرہ بند کرنے کی کوشش کی ہے۔ سائنسدانوں اور ماہرین انسانیات کے مطابق نسلوں کا فرق ایک حیاتیاتی تصور ہے۔ ان کے مطابق ایک مخصوص انسانی زمرے کو جسمانی علامات کی بنیاد پر ایک نسل سمجھا جاتا ہے۔ یہ جسمانی علامات میراث کی طرح منتقل ہوتے ہیں یہی علامات پیڑھی در پیڑھی منتقل ہوتے ہیں۔ ان پر طور سے ماحول کا اثر نہیں پڑتا ہے یا پھر یہ کم ہی ہوتا ہے۔
ہیڈن (Haddon) کے مطابق "نسل" کا لفظ ایک مخصوص طبقہ کے لوگوں کی نمائندگی کرتا ہے جس کی عام خصوصیات ہم ایک جیسی ہیں۔ یہ ایک حیاتیاتی نسل ہے، جس کی قدرتی علامات کا ظہور کسی دوسرے نسل کی قدرتی علامات کے ظہور سے مختلف ہے۔
پروفیسر بلش کا تجزیہ اس طرح ہے کہ : "انسانی نوعیت کی زمرہ بندی انسانی جسم کی شکل اور جسمانی خصوصیات پر مبنی ہے۔"
لہٰذا یہ کہا جا سکتا ہے کہ نسل لوگوں کا ایک زمرہ ہے جن میں ایک جیسی جسمانی خصوصیات کا ہونا یقینی طور پایا جاتا ہے اور جسے پیڑھیوں تک پہنچایا جا سکتا ہے۔
انسانی نسلوں کی ابتدا کے بارے میں یقینی طور پر کہنا مشکل ہے کہ یہ کیسے ہوئے۔ کروبر کے مطابق، "ہم یہ نتیجہ اخذ کرسکتے ہیں کہ انسانوں کو کم از کم لاکھوں سال لگے ہوں گے کہ ان میں نسلیں میں رونما ہوئی ہیں۔ کن عوامل نے ان میں تفریق کا کام کیا، زمین کے کس حصے ہر نسل نے اپنی خصوصیات کو اختیار کیا ہے،ان میں وہ مزید تقسیم کیسے ہوئی، ان کو جوڑنے والے کون سے عناصر تھے اور کس طرح مختلف نسلوں کو مخلوط کیا گیا تھا، ان سب موضوعات کے جوابات نامکمل ہیں۔ "