Pangkat ng Walo
From Wikipedia, the free encyclopedia
Ang Pangkat ng Walo (P8) (Inggles: Group of Eight o G8) ay isang sabansaang poro ng mga pamahalaan ng Alemanya, Hapon, Italya, Canada, ang Estados Unidos, ang Nagkakaisang Kaharian, Pransiya, at Rusya. Tumutukoy ang G8 sa mga bansang-kasapi o sa taunang pagtitipon ng mga puno ng pamahalaan ng G8. Ang mga ministro ng mga bansang-kasapi ng G8 ay nagpupulong din sa kabuuan ng taon, tulad ng mga ministrong pananalapi ng G7/8 (na nagpupulong nang apat na beses sa isang taon), mga ministro sa ugnayang panlabas o mag ministro sa kapaligiran. Ang Unyong Europeo ay kumakatawan din sa mga pagpupulong sa pamamagitan ng pangulo ng Komisyong Europeo at ang umiikot na Panguluhan ng Sanggunian ng Unyong Europeo.
Pangkat ng Walo Group of Eight Groupe des Huit Gruppe der Acht Gruppo degli Otto 主要国首脳会議 Большая восьмёрка |
---|
|
Bawat pangkalendaryong taon, ang tungkulin bilang punung-abala sa G8 ay umiikot sa pamamagitan ng mga bansang-kasapi sa mga sumusunod na ayos: Pransiya, ang Estados Unidos, ang Nagkakaisang Kaharian, Rusya, Alemanya, Hapon, Italya at Canada. Isinasaayos ng humahawak ng panguluhan ang mga talausapan, nagpupunung-abala ng pagtitipon para sa taong iyon at nagpapasiya kung saan gaganapin ang mga pagpupulong pangministeryo. Kamakailan, ang mga bansang Pransiya at Mga Nagkakaisang Kaharian ay nakapagpahiwatig ng adhikain sa pagpapalawak ng pangkat na ito at isama ang mga limang umuunlad na bansa, na tinutukoy bilang Pag-abot sa Lima (Outreach 5 o O5) o Dagdag Lima (Plus Five): Brasil, Indiya, Mehiko, Timog Aprika at Republikang Popular ng Tsina. Ang mga bansang ito ay nakalahok bilang mga panauhin sa mga dating pagpupulong, na tinuturing nang minsan G8+5.