దేవ్ పటేల్
From Wikipedia, the free encyclopedia
దేవ్ పటేల్ (జననం 1990 ఏప్రిల్ 23) ఒక బ్రిటిష్ నటుడు, చిత్రనిర్మాత.[1] ఆయన ఈ4 టీన్ డ్రామా స్కిన్స్ (2007)లో అన్వర్ ఖర్రాల్ పాత్రతో తన కెరీర్ ప్రారంభించాడు. డానీ బాయిల్ రూపొందించిన స్లమ్డాగ్ మిలియనీర్ (2008)లో యుక్తవయస్కుడైన జమాల్ మాలిక్ పాత్రతో ఆయన మంచి పేరు తెచ్చుకున్నాడు.[2] దీని కోసం ఆయన ప్రధాన పాత్రలో ఉత్తమ నటుడిగా బిఎఎఫ్టీఎ అవార్డుకు సైతం ఎంపికయ్యాడు.[3]
దేవ్ పటేల్ | |
---|---|
జననం | (1990-04-23) 1990 ఏప్రిల్ 23 (వయసు 34) |
వృత్తి |
|
క్రియాశీల సంవత్సరాలు | 2006–ప్రస్తుతం |
భాగస్వామి | టిల్డా కోభమ్-హెర్వే (m.2017) |
ది బెస్ట్ ఎక్సోటిక్ మ్యారిగోల్డ్ హోటల్ (2011), ది సెకండ్ బెస్ట్ ఎక్సోటిక్ మ్యారిగోల్డ్ హోటల్ (2015), సైన్స్ ఫిక్షన్ థ్రిల్లర్ చాప్పీ (2015), హెచ్బివొ సిరీస్ ది న్యూస్రూమ్లో సహాయక పాత్రతో ఆయన కెరీర్ మలుపు తిరిగింది. ది లయన్ (2016)లో సరూ బ్రియర్లీగా అతని నటనకు, ఉత్తమ సహాయ నటుడిగా బిఎఎఫ్టీఎ అవార్డును గెలుచుకున్నాడు. ఉత్తమ సహాయ నటుడిగా అకాడమీ అవార్డుకు కూడా నామినేట్ అయ్యాడు. ఆ తరువాత, ఆయన హోటల్ ముంబై (2018), ది పర్సనల్ హిస్టరీ ఆఫ్ డేవిడ్ కాపర్ఫీల్డ్ (2019), ది గ్రీన్ నైట్ (2021)లలో నటించాడు. ఆయన యాక్షన్ చిత్రం మంకీ మ్యాన్ (2024)తో దర్శకుడిగా పరిచయం అయ్యాడు.