ఎ. ఆర్. రెహమాన్
సంగీత దర్శకుడు, గాయకుడు / From Wikipedia, the free encyclopedia
ఎ. ఆర్. రెహమాన్ పేరుతో పేరుగాంచిన అల్లా రఖా రెహమాన్ (pronunciation (help·info) (జ.6 జనవరి 1967) భారతీయ సంగీత దర్శకుడు, స్వరకర్త, గాయకుడు, గీత రచయిత, నిర్మాత, సంగీతకారుడు,, దాత.[1] రెహమాన్ జన్మనామం ఎ. ఎస్. దిలీప్ కుమార్. తండ్రి నుంచి సంగీత వారసత్వం పుచ్చుకున్న రెహమాన్ చిన్నతనంలో తండ్రి మరణంతో కుటుంబాన్ని పోషించడానికి పలువురు సంగీత దర్శకుల దగ్గర సహాయకుడిగా పనిచేశాడు. వాణిజ్య ప్రకటనలకు సంగీతం సమకూర్చాడు. తర్వాత మణిరత్నం దర్శకత్వంలో వచ్చిన రోజా చిత్రానికి కూర్చిన సంగీతంతో మంచి పేరు వచ్చింది. మొదటి సినిమాతోనే ఉత్తమ సంగీత దర్శకుడిగా జాతీయ పురస్కారం దక్కింది.
ఎ. ఆర్. రెహమాన్ | |
---|---|
జననం | ఎ. ఎస్. దిలీప్ కుమార్ (1967-01-06) 1967 జనవరి 6 (వయసు 57) మద్రాస్, మద్రాసు రాష్ట్రం (ప్రస్తుతం తమిళనాడు) |
జాతీయత | భారతీయుడు |
ఇతర పేర్లు | అల్లాహ్ రఖా రహమాన్ ఇసై పూయల్ మోజార్ట్ ఆఫ్ మద్రాస్ |
విద్యాసంస్థ | ట్రినిటీ సంగీత కళాశాల |
వృత్తి |
|
క్రియాశీల సంవత్సరాలు | 1992–ప్రస్తుతం |
Works |
|
జీవిత భాగస్వామి | సైరా బాను (m. 1995) |
పిల్లలు | 3 |
తల్లిదండ్రులు | ఆర్. కె. శేఖర్ |
పురస్కారాలు | Full list |
సన్మానాలు | Padma Bhushan (2010) |
సంగీత ప్రస్థానం | |
సంగీత శైలి |
|
వాయిద్యాలు |
|
లేబుళ్ళు |
|
సంతకం | |
దస్త్రం:A R Rahman signature.svg |
రెహమాన్ గీతాలు తూర్పుదేశాలకు చెందిన శాస్త్రీయ సంగీతాన్ని (ముఖ్యంగా భారతీయ శాస్త్రీయ సంగీతం) ప్రపంచ సంగీతం, ఎలక్ట్రానిక్ సంగీతం, సంప్రదాయ ఆర్కెస్ట్రా అరేంజ్మెంట్లనూ మేళవించే శైలికి పేరొందాయి. ఆయన పొందిన పురస్కారాల్లో రెండు ఆస్కార్ అవార్డులు,[2] రెండు గ్రామీ పురస్కారాలు, ఒక బిఎఎఫ్టిఎ పురస్కారం, ఒక గోల్డెన్ గ్లోబ్ పురస్కారం, నాలుగు జాతీయ చలనచిత్ర పురస్కారాలు, పదిహేను ఫిల్మ్ ఫేర్ పురస్కారాలు, పదమూడు ఫిల్మ్ ఫేర్ సౌత్ పురస్కారాలు ఉన్నాయి.