கரிபோலி
From Wikipedia, the free encyclopedia
கரிபோலி ஒரு இந்திய-ஆரிய மொழியாகும். இது கடிபோலி எனவும் அழைக்கப்படுவதுண்டு. இதுவே ஹிந்தியின் அதிகாரபூர்வமான கிளைமொழியாகும். மேற்கு உத்தரப் பிரதேசம், டெல்லி ஆகிய பகுதிகளுக்குச் சொந்தமான இம்மொழி, உருது மொழியின் கிளை மொழியும் கூட. கரிபோலியின் தாயகமான மேற்கு உத்தரப் பிரதேசத்தில், 18 ஆம் நூற்றாண்டுக்கு முன், நாட்டுப்புற, பாமரத்தனமான மொழியே வழங்கிவந்தது. எனினும் இதன் மேற்கிலும், கிழக்கிலும் முறையே டெல்லியிலும், லக்னோவிலும் அதிகாரவர்க்க முஸ்லிம் பண்பாடு நிலவியது. இவர்கள் பாரசீக, துருக்கிய மற்றும் அரபி மொழிகளிலிருந்து பெருமளவுக்குக் கடன்பட்ட ஒரு இலக்கியத்தை ஆதரித்து வந்தனர். இந்தப் பண்பாட்டுக் கலப்புக்கு உட்பட்டே ஹிந்தியின் கரிபோலி கிளைமொழி வளர்ச்சியடைந்தது.
கரிபோலி | |
---|---|
Default
| |
மொழிக் குறியீடுகள் | |
ISO 639-1 | hi |
ISO 639-2 | hin |
ISO 639-3 | hin |
டெல்லியைச் சுற்றியிருந்த பகுதிகள் நீண்ட காலமாகவே வட இந்தியாவின் அதிகார மையமாகத் திகழ்ந்ததால், இயல்பாகவே அப்பகுதிக்குரிய கிளை மொழியான கரிபோலி, நகர்சார் மொழியாகவும், ஹிந்தியின் ஏனைய கிளை மொழிகளிலும் உயர்வானதாகவும் கருதப்படும் நிலை உருவானது. இப்போக்கு 19 ஆம் நூற்றாண்டில் படிப்படியாக உரம் பெற்றுவந்தது. இதற்கு முன் இலக்கியத்துக்குரிய மொழிகளாக இருந்த ஆவாதி, பிராஜ் பாஷா என்பன முக்கியத்துவம் இழந்தன.