பல் வேர்க் கால்வாய்
From Wikipedia, the free encyclopedia
பல் வேர்க்குழி (root canal) என்பது பல்லின் வேருக்குள் காணப்படும் இடைவெளியாகும். இது பல்லுக்குள் இயற்கையாகவே உருவாகும் இடைவெளியின் ஒரு பகுதியாகும், இது பற்கூழ் (மச்சை) அறை, (பல்லின் குறுக்குப் பகுதிக்குள்), பிரதான கால்வாய்(கள்) மற்றும் பல் வேர்க் கால்வாய்களை ஒன்றுடனொன்று அல்லது வேரின் மேற்பகுதியுடன் இணைக்கக்கூடிய அதிக சிக்கலான உடற்கூற்றுக் கிளைகளைக் கொண்டிருக்கும்.
பல் வேர்க் கால்வாய் | |
---|---|
விளக்கங்கள் | |
அடையாளங்காட்டிகள் | |
இலத்தீன் | canalis radicis dentis |
MeSH | D014092 |
TA98 | A05.1.03.049 |
TA2 | 932 |
FMA | 55674 |
உடற்கூற்றியல் |
துணைக் கால்வாய்கள் எனக் குறிப்பிடப்படும் சிறிய கிளைகள் அநேகமாக வேரின் முடிவில் (முனை) காணப்படுமாயினும், வேரின் நீளம் வழியே எங்கேனும் சந்திக்கக்கூடும். ஒவ்வொரு வேரிற்குள்ளும் ஒன்று அல்லது இரண்டு பிரதான கால்வாய்கள் இருக்கக்கூடும். சில பற்கள் மற்றவற்றைவிட அதிக வேறுபாடான உட்புற உடற்கூற்றியலைக் கொண்டிருக்கும். இந்த இடைவெளியானது அதிக ரத்தக் கலன்களுள்ள, இளகிய இணைய இழையமான பற்கூழால் நிரப்பப்படுகிறது.
பற்கூழ் என்பது இழையமாகும். இதன்மூலமே பல்லின் இழையப் பகுதி ஆக்கப்படுகிறது. இரண்டாம்நிலை பற்களின் உருவாக்கம் (நிரந்தரப் பற்கள்) அவை வாய்க்குள் உருவாகி 1-2 ஆண்டுகளின் பின்னர் பூர்த்தியடைகின்றது. இது உணர்வு அங்கமாக இரண்டாம்நிலைப் பங்கை ஏற்கிறது.
பல் வேர்க் கால்வாய் என்பது பற் சிகிச்சையான பற்கூழ் நோய் மருத்துவத்துக்கான பேச்சுவழக்கச் சொல்லாகும், இச்சிகிச்சையில் பற்கூழ் சுத்தமாக்கப்பட்டு அகற்றப்பட்டு, இடைவெளி தொற்றுநீக்கப்பட்டு, பின்னர் நிரப்பப்படுகிறது.