Patrick Bruel
From Wikipedia, the free encyclopedia
Patrick Benguigui, conegut coma Patrick Bruel, es un actor e cantaire francés de soca pè negre (jusieu Berbèr) nascut a Tlemcen (Argeria) lo 14 de mai de 1959. A prés l'escais de Bruel en referéncia a Jacques Brel.
Fòrça popular jà coma actor en França tre la fin de las annadas 1970 (ten un ròtle màger en 1979 dins lo film Le Coup de sirocco qu'evòca justament la question dels Pès negres, comunautat que n'es eissit), a tanben l'astre de devenir l'un dels cantaires los mai populars en França, mai que mai a partir de 1989 amb son segond album Alors regarde que conten los tubes Casser la voix (1989), J'te l'dis quand même (1990), Alors regarde (1990), Place des grands hommes (1991) e Décalé (1991). Au som de sa popularitat en 1991, es n°1 de las vendas de disques en França al mes de novembre amb lo 45 torns de la cançon Qui a le droit. A n'aquesta periòda, compausa tanben la cançon Et puis je sais (succès en França en 1992) per Johnny Hallyday.
A enregistat en 1995 un album en espanhòu, Plaza de los heroes. En 2015, canta Corsica, una cançon en còrs en duò amb Patrick Fiori, represa d'un tròç de Petru Guelfucci.
Patrick Bruel es tanben un jogaire de poker professional.