Empèri de Nicèa
From Wikipedia, the free encyclopedia
L'Empèri de Nicèa es un Estat bizantin que se formèt en 1204 après la presa e lo pilhatge de Constantinòble per la Quatrena Crosada. A sa creacion, ocupava una benda territòriala situada en Anatolia entre la Mar Negra e la Mar Egèa. Ben administrat e dirigit, venguèt la poissança principala de la region e reconquistèt pauc a pauc lei territòris bizantins. En 1261, aquò li permetèt de tornar prendre Constantinòble e de restaurar l'Empèri Bizantin.