جانی دپ
From Wikipedia, the free encyclopedia
جان کریستوفر «جانی» دپ جونیور معروف به جانی دپ (بزائهی ۹ ژوئن ۱۹۶۳)[12] اتا آمریکایی بازیگر هسته.
جانی دپ
|
جانی دپ لیدی مرسی ِبیمارستون دله، کنتاکی ایالت، دنیا بموئه.[13] [14]ونه پییر-مار مهندس و پیشخدمت بینه. گنّه که ونه رگ-ریشه سرخپوستون، بلجیک (فلاندر), هلند, انگلیس, فرانسه و آلمان جه رسنه. وه اتا برار و دِتا خاخِر داشته. خله هم شه گتپییر جه وقت گذرنییه. ونه خانواده کوچ ره بَوردنه فلوریدا و اجارهنشین بینه. جانی مدرسه دله درس نخونسته و دوازده سالگی جه اعتیاد و سکس جه ونه لینگ وا بیّه و مدرسه جه وه ره درهاکردنه و بورده موزیکِ بند بساته.[12]
ونه اولین فیلم نوم نایتمیر آن الم استریت (Nightmare on Elm Street) نوم داشته که سال ۱۹۸۴ بساتنه و موفق فیلم بییه.[12] وه این فیلم په، بورده لوس آنجلس که بازیگری رشته ره بخونده. وه اتا سیو-لشکر نقش ره بازی هاکرده که باعث بیّه وه ره دعوت هاکنن ۲۱ جامپ استریت سریال دله اتا نقش ره داره. همونجه جه معروف بیّه و ونه فیلمها گتته-گتته بینه تا پایرتس آو کاراییبن (Pirates of the Caribbean) فیلم دله اصلی نقش که «جک اسپارو» نوم داشته ره بازی هاکرده و اینتا فیلم وسّه خله اسم درهاکرده.
وه دِ کَش زن بَوِرده که دومین زنا ونه بازیگر بییه و ونه نوم ره آمبر هرت گتنه. وه و آمبر هرت طلاق ماجرا رسانهای بیّه و باعث بیّه که فیلمسازون وه ره بایکوت هاکردنه و وه ره شه فیلمها دله جه درهاکردنه و ونه نقش ره کس دیگر ره هدانه. وه آمبر هرت جه شکایت هاکرده و دادگاه وه ره تبرئه هاکرده.