Scultura
From Wikipedia, the free encyclopedia
Scultura ye ua arte que repersenta eimaiges plásticas an relebo total ó parcial. Eisisten bárias técnicas de trabalhar ls materiales, cumo la cinzelaçon, la fundiçon, la moldaige ó la aglomeraçon de partículas para la criaçon dun oubjeto.
Bários materiales se préstan a esta arte, uns mais perenes cumo l bronze ó l mármare, outros mais fáceles de trabalhar, cumo l barro, la cera ó la madeira. Ambora puodan ser outelizadas para repersentar qualquiera cousa, ó até cousa nanhue, tradecionalmente l oubjetibo maior fui siempre repersentar l cuorpo houmano, ó la debindade antropomórfica. Ye cunsidrada la quarta de las artes clássicas.