कृष्णा कोंडके
भारतीय अभिनेता / From Wikipedia, the free encyclopedia
कृष्णा कोंडके ऊर्फ दादा कोंडके (८ ऑगस्ट, इ.स. १९३२ ; भोर, पुणे - १४ मार्च, इ.स. १९९८ ; मुंबई, महाराष्ट्र) हे मराठी अभिनेते व चित्रपट-निर्माते होते. त्यांनी मराठी वगनाट्यातून व चित्रपटांतून अभिनय केला. द्वि-अर्थी, विनोदी ढंगातील संवादफेकीमुळे त्यांच्या भूमिका लोकप्रिय झाल्या. अभिनयासोबतच त्यांनी प्रामुख्याने मराठी भाषेत तसेच हिंदी आणि गुजराती भाषेतील चित्रपटांची निर्मिती केली.
दादा कोंडके | |
---|---|
जन्म |
कृष्णा खंडेराव कोंडके ८ ऑगस्ट, इ.स. १९३२ भोर, पुणे, भारत |
मृत्यू |
१४ मार्च, १९९८ (वय ६५) मुंबई, महाराष्ट्र |
राष्ट्रीयत्व | भारतीय |
कार्यक्षेत्र | वगनाट्य, अभिनय, निर्माता, दिग्दर्शक |
कारकीर्दीचा काळ | इ.स. १९६९ - इ.स. १९९८ |
भाषा | मराठी (मावळी महादेव कोळी) |
प्रमुख नाटके | विच्छा माझी पुरी करा |
प्रमुख चित्रपट | सोंगाड्या |
वडील | खंडेराव कोंडके |
आई | सखुबाई खंडेराव कोंडके |
विच्छा माझी पुरी करा या वसंत सबनीस-लिखित वगनाट्यामुळे दादा कोंडके अभिनेता म्हणून प्रसिद्धीस आले. इ.स. १९६९ साली भालजी पेंढारकरांच्या तांबडी माती चित्रपटाद्वारे त्यांनी चित्रपटसृष्टीत पाऊल ठेवले. सोंगाड्या (इ.स. १९७१), आंधळा मारतो डोळा (इ.स. १९७३), पांडू हवालदार (इ.स. १९७५), राम राम गंगाराम (इ.स. १९७७), बोट लावीन तिथे गुदगुल्या (इ.स. १९७८) हे त्यांचे विशेष गाजलेले चित्रपट होत.