२०१२ अमेरिकन अध्यक्षीय निवडणूक
From Wikipedia, the free encyclopedia
२०१२ मधील अमेरिकन राष्ट्राध्यक्ष निवडणूक ही अमेरिकेचा ४४वा राष्ट्राध्यक्ष निवडण्यासाठीची निवडणूक होती. अमेरिकेचा राष्ट्राध्यक्ष निवडणारी ही ५७वी चतुर्वार्षिक निवडणूक मंगळवार, नोव्हेंबर ६, इ.स. २०१२ रोजी घेण्यात आली. ह्या निवडणूकीमध्ये डेमोक्रॅटिक पक्षाच्या विद्यमान राष्ट्राध्यक्ष बराक ओबामाने रिपब्लिकन पार्टीच्या मिट रॉम्नीला पराभूत करून अध्यक्षपद राखले. या निवडणुकांत राष्ट्राध्यक्षाबरोबरच उपराष्ट्राध्यक्षाचीही अप्रत्यक्षपणे निवड झाली. डेमोक्रॅटिक पार्टीतर्फे विद्यमान उपराष्ट्राध्यक्ष ज्यो बायडेन तर रिपब्लिकन पार्टीतर्फे पॉल रायन रिंगणात होते.