മെത്താംഫെറ്റാമൈൻ
രാസസംയുക്തം / From Wikipedia, the free encyclopedia
മനുഷ്യനിർമ്മിത ഉത്തേജക മരുന്നാണ് മെത്താംഫെറ്റാമൈൻ. ( ക്രിസിൽ മെത്ത് അല്ലെങ്കിൽ സ്പീഡ് എന്നും അറിയപ്പെടുന്നു). പ്രധാനമായും ഒരു വിനോദ ഡ്രഗായും ശ്രദ്ധക്കുറവ് - ഹൈപ്പർ ആക്റ്റിവിറ്റി ഡിസോർഡർ അമിതവണ്ണം എന്നിവയ്ക്കുള്ള ചികിത്സയായും ഉപയോഗിക്കുന്നു.[1] മെത്താംഫെറ്റാമൈൻ പൊടി അല്ലെങ്കിൽ ക്രിസ്റ്റൽ രൂപത്തിലാകാം. വളരെ വേഗത്തിൽ അഡിക്ഷൻ സൃഷ്ടിക്കുന്ന മയക്കുമരുന്നാണ് മെത്താംഫെറ്റാമൈൻ. കേന്ദ്ര നാഡീവ്യൂഹത്തെയാണ് ഇത് പ്രധാനമായും സ്വാധീനിക്കുന്നത്. മെത്ത്, ബ്ലൂ, ഐസ്, ക്രിസ്റ്റൽ എന്നിങ്ങനെയും മെത്താംഫെറ്റാമൈൻ അറിയപ്പെടുന്നുണ്ട്. ക്രിസ്റ്റൽ മെത്തിന് കയ്പ്പേറിയ രുചിയാണുള്ളത്. വെള്ളത്തിൽ വേഗത്തിൽ അലിഞ്ഞു ചേരും. മെത്ത് പൗഡർ മൂക്കിൽ വലിക്കുക, സിഗരിറ്റിനൊപ്പം പുകയ്ക്കുക, മെത്ത് അടങ്ങിയ ലായനി കുത്തിവെക്കുക തുടങ്ങിയ രീതിയിലാണ് ഇതിന്റെ ഉപയോഗം. മെത്താംഫെറ്റാമൈൻ ശരീരത്തിൽ എത്തുന്നതോടെ വ്യക്തിക്ക് കൂടുതൽ ഊർജ്ജസ്വലത കൈവരുന്നു. എന്നാൽ തുടർച്ചയായ ഉപയോഗം അവസാനിപ്പിക്കുന്നതിലൂടെ ഉത്കണ്ഠ, വിഷാദം, ആത്മഹത്യാ പ്രവണത, നിസംഗത, തലവേദന തുടങ്ങിയ അവസ്ഥകളിലേക്ക് നയിക്കും.[2] പ്രശസ്തമായ ടിവി സീരീസ് ബ്രേക്കിംഗ് ബാഡ് മെത്താംഫെറ്റാമൈനെക്കു റിച്ചുള്ളതാണ്.