മാർട്ടിൻ ഫ്രീമാൻ
ബ്രിട്ടനിലെ ചലച്ചിത്ര അഭിനേതാവ് / From Wikipedia, the free encyclopedia
മാർട്ടിൻ ജോൺ ക്രിസ്റ്റഫർ ഫ്രീമാൻ [1] (ജനനം സെപ്റ്റംബർ 8, 1971)[2] ഒരു ഇംഗ്ലീഷ് നടനാണ്. പീറ്റർ ജാക്സന്റെ "ദ ഹോബിറ്റ് ചലച്ചിത്രപരമ്പരയിലെ" ബിൽബോ ബാഗിൻസ്, ഫാർഗോ എന്ന ടി.വി. പരമ്പരയിലെ ലെസ്റ്റർ നിഗാർഡ്, ഷെർലക്ക് എന്ന ബ്രിട്ടീഷ് ക്രൈം പരമ്പരയിൽ ഡോ.ജോൺ വാട്സൺ, ദ ഓഫീസ് എന്ന സിറ്റ്കോമിന്റെ യഥാർത്ഥ യുകെ പതിപ്പിൽ ടിം കാന്റർബറി എന്നീ വേഷങ്ങളിലൂടെ ശ്രദ്ധേയനായി.
റൊമാന്റിക് കോമഡി ചിത്രം ലൗ ആക്ഷ്വലി (2003), കോമിക് സയൻസ് ഫിക്ഷൻ സിനിമ ദ ഹിച്ച്ഹൈക്കേർസ് ഗൈഡ് ടു ദ ഗാലക്സി (2005), ക്യാപ്റ്റൻ അമേരിക്ക: സിവിൽ വാർ (2016), വരാനിരിക്കുന്ന മാർവെൽ ചിത്രം ബ്ലാക്ക് പാന്തർ (2018)[3] എന്നിവയാണ് അദ്ദേഹത്തിന്റെ മറ്റ് പ്രധാന വേഷങ്ങൾ. എമ്മി അവാർഡ്, ബാഫ്റ്റ അവാർഡ്, എമ്പയർ അവാർഡ് എന്നിവ അദ്ദേഹത്തിന് ലഭിച്ചിട്ടുണ്ട്. കൂടാതെ മറ്റ് രണ്ട് എമ്മി അവാർഡ്, രണ്ട് ബാഫ്റ്റ അവാർഡ്, ഒരു സാറ്റേൺ അവാർഡ്, ഒരു ഗോൾഡൻ ഗ്ലോബ് അവാർഡ് എന്നിവയ്ക്ക് നാമനിർദ്ദേശം ചെയ്യപ്പെട്ടു.