പ്രംബനൻ
From Wikipedia, the free encyclopedia
ഇന്തോനേഷ്യയിലെ മദ്ധ്യ-ജാവയിൽ സ്ഥിതിചെയ്യുന്ന, 9-ആം നൂറ്റാണ്ടിൽ നിർമിച്ച ഒരു ഹൈന്ദവ ക്ഷേത്ര സമുച്ചയമാണ് പ്രംബനൻ. ഹൈന്ദവ വിശ്വാസ പ്രകാരം ത്രിമൂർത്തികളായ ബ്രഹ്മദേവൻ, വിഷ്ണു, ശിവൻ എന്നിവരാണ് ഇവിടത്തെ പ്രധാന പ്രതിഷ്ഠ. ഇന്തോനേഷ്യൻ നഗരമായ യോഗ്യകാർത്തയിൽനിന്നും ഏകദേശം 11 കിലോമീറ്റർ വടക്ക് കിഴക്കായാണ് ഈ ക്ഷേത്രം സ്ഥിതിചെയ്യുന്നത്.[2]
വസ്തുതകൾ യുനെസ്കോ ലോക പൈതൃക സ്ഥാനം, സ്ഥാനം ...
യുനെസ്കോ ലോക പൈതൃക സ്ഥാനം | |
---|---|
സ്ഥാനം | ഇന്തോനേഷ്യ |
മാനദണ്ഡം | i, iv[1] |
അവലംബം | 642 |
നിർദ്ദേശാങ്കം | 7°45′8″S 110°29′30″E |
രേഖപ്പെടുത്തിയത് | 1991 (15th വിഭാഗം) |
വെബ്സൈറ്റ് | www |
അടയ്ക്കുക
ഇന്തോനേഷ്യയിലെ ഏറ്റവും വലിയ ക്ഷേത്രമാണ് പ്രംബനൻ. ഈ ക്ഷേത്രസമുച്ചയത്തിന് യുനെസ്കോയുടെ ലോക പൈതൃക പട്ടികയിൽ സ്ഥാനം ലഭിച്ചിട്ടുണ്ട്. ഇന്തോനേഷ്യൻ വാസ്തുവിദ്യയിൽ തീർത്ത ഒരു മഹാ നിർമ്മിതിയാണ് പ്രംബനൻ. ഇതിൽ ഏറ്റവും വലിയ ക്ഷേത്രഗോപുരത്തിന് 47 മീറ്റർ(ഏകദേശം ഒരു 15നില കെട്ടിടത്തിന്റെ ഉയരം) ഉയരമുണ്ട്.[3] ലോകത്തിന്റെ വിവിധ കോണുകളിൽ നിന്നുള്ള സഞ്ചാരികൾ ഈ ക്ഷേത്രം സന്ദർശിക്കുന്നുണ്ട്.[4]