ദി ജിപ്സി മഡോണ
From Wikipedia, the free encyclopedia
1510-11 നും ഇടയിൽ ടിഷ്യൻ വെസല്ലി ചിത്രീകരിച്ച മഡോണ ആർട്ടിൽപ്പെട്ട ഒരു പാനൽ പെയിന്റിംഗ് ആണ് ദി ജിപ്സി മഡോണ[1] ഇപ്പോൾ വിയന്നയിലെ Kunsthistorisches മ്യൂസിയത്തിൽ ഈ ചിത്രം സൂക്ഷിച്ചിരിക്കുന്നു. ഒരു പള്ളിയേക്കാൾ ഒരു വീടിന് അനുയോജ്യമായ തരത്തിലാണ് ഈ ചിത്രം ചിത്രീകരിച്ചിരിക്കുന്നത്.[2]
The Gypsy Madonna | |
---|---|
കലാകാരൻ | Titian |
വർഷം | c. 1510–11 |
Medium | oil on panel |
അളവുകൾ | 65.8 cm × 83.8 cm (25.9 in × 33.0 in) |
സ്ഥാനം | Kunsthistorisches Museum, Vienna |
ടിഷ്യൻറെ മുൻ മാസ്റ്റർ ജിയോവന്നി ബെല്ലിനിയുടെ ചിത്രവുമായി ഈ ചിത്രം വളരെയധികം സാമ്യം കാണിക്കുന്നു. 1509-ൽ ബെല്ലിനിയുടെ ചിത്രീകരണത്തിൻറെ ഘടനാപരമായ സമവാക്യം [3]ഉപയോഗിച്ച് ഡെട്രോയിറ്റ് ഇൻസ്റ്റിറ്റ്യൂട്ട് ഓഫ് ആർട്ട്സിലെ ഒരുചിത്രത്തിന് മാറ്റം വരുത്തിയപ്പോൾ പഴയ മാസ്റ്ററുടെ ചിത്രത്തിന് ഒരു വെല്ലുവിളിയായി ആ ചിത്രത്തെ കാണാൻ കഴിഞ്ഞു. ഈ രീതി ജിയോർജിയോണിനോട് കടപ്പെട്ടിരിക്കുന്നു. അത് ഇരുപതാം നൂറ്റാണ്ടിന്റെ ആദ്യകാലങ്ങളിൽ അദ്ദേഹത്തിന്റെ പേരിൽ അറിയപ്പെട്ടിരുന്നു. ഇത് പ്രത്യേകിച്ചും കന്യാമറിയത്തിന്റെ രൂപത്തിൽ സ്വരച്ചേർച്ചയുള്ള പൂർണ്ണത, മന്ദഗതിയിലുള്ള ഗ്രാവിറ്റി ഫോം എന്നിവ ഒത്തിണക്കി ഒരു ടിഷ്യൻ ശൈലിയായി ഉപയോഗിക്കുന്നു. പിന്നീട് ഈ ശൈലി മറ്റു മഡോണ ചിത്രങ്ങളിൽ ടിഷ്യൻ ആവർത്തിക്കുന്നതായി കാണാൻ കഴിഞ്ഞില്ല.[4] ഡ്രെസ്ഡെൻ വീനസിന്റെ പശ്ചാത്തലത്തിൽ ഇടതു ഭാഗത്തിന്റെ ഭൂപ്രകൃതി ജിയോർജിയോൻ രീതിക്ക് സമാനമായി പരമ്പരാഗതമായി ഉപയോഗിച്ചിരുന്നതായി കരുതപ്പെടുന്നു. എന്നാൽ 1510-ൽ ടിഷ്യൻ അദ്ദേഹത്തിൻറെ മരണശേഷമാണ് ഇത്തരത്തിലുള്ള ഭൂപ്രകൃതി ചിത്രീകരിച്ചിരിക്കുന്നത്.[5]
ചിത്രത്തിലെ വലതുവശത്തെ പശ്ചാത്തലം ഒരു തുണി കൊണ്ട് അലങ്കരിച്ചിരിക്കുന്നു. അതിന്റെ മടക്കുകൾ ശ്രദ്ധാപൂർവ്വം വരച്ചിരിക്കുന്നു. (അവ പലപ്പോഴും ചുരുട്ടി സംഭരിച്ചു വെച്ചിരിക്കുന്നു)[6] സിംഹാസനങ്ങളുടെ പിന്നിൽ തൂക്കിയിട്ടിരിക്കുന്നതിന് സമാനമായ തിരശ്ശീല മിക്ക മഡോണചിത്രങ്ങളിലും കാണാവുന്നതാണ്. അതുപോലെ ഈ ചിത്രത്തിലും ചിത്രീകരിച്ചിരിക്കുന്നു. ഡെട്രോയിറ്റിലെ ബെല്ലിനി അതേ പ്രയോഗതന്ത്രം തന്നെ ഉപയോഗിക്കുന്നു. പഴയ കാലത്തെ കൂടുതൽ ഔപചാരികമായി സിംഹാസനാരോഹണം ചെയ്ത മഡോണ ചിത്രങ്ങളിൽ നിന്നു വ്യത്യസ്ത ഘടകങ്ങളിൽ കന്യാമറിയവും കുട്ടിയുമായുള്ള ചിത്രം അനൗപചാരികമായ ഘടനയോടുകൂടി ഒരു സജ്ജീകരണത്തിൽ കാണിക്കുന്നു. ബെല്ലിനിയും അദ്ദേഹത്തിന്റെ അനുയായികളും വശങ്ങളിലേക്കുള്ള പ്രകൃതിദൃശ്യങ്ങൾ കുറച്ചുകാലം ചിത്രരചനയിൽ കാണിക്കുന്നുണ്ടായിരുന്നു. സാധാരണയായി ചിത്രത്തിൽ കുറച്ചുഭാഗം മുറിച്ചു ചേർത്തതുപോലെ ചിത്രീകരിക്കുന്നു. ഈ ചിത്രത്തിലെ സമവാക്യം നോക്കുകയാണെങ്കിൽ ഒരു തിരശ്ചീന "ലാന്റ്സ്കേപ്പ്" ഫോർമാറ്റ് ഉപയോഗിച്ചും ഇത് ചിത്രീകരിച്ചിരിക്കുന്നു.[7]