ജെ. ജെ. എബ്രാംസ്
അമേരിക്കൻ സംവിധായകൻ, നിർമ്മാതാവ്, തിരക്കഥാകൃത്ത് / From Wikipedia, the free encyclopedia
ഒരു അമേരിക്കൻ സംവിധായകൻ, നിർമ്മാതാവ്, തിരക്കഥാകൃത്ത്, നടൻ, സംഗീതസംവിധാനം എന്നിവയാണ് ജെഫ്രി ജേക്കബ് എബ്രാംസ് [1] (ജനനം ജൂൺ 27, 1966). ആക്ഷൻ, നാടകം, സയൻസ് ഫിക്ഷൻ എന്നീ വിഭാഗങ്ങളിൽ അദ്ദേഹം പ്രവർത്തിച്ചിട്ടുണ്ട്. റിഗാർഡിങ് ഹെൻറി (1991), ഫോറെവർ യംഗ് (1992), അർമ്മാഗെഡൺ (1998), ക്ലോവർഫീൽഡ് (2008), സ്റ്റാർ ട്രെക്ക് (2009), സ്റ്റാർ വാർസ്: ദ ഫോഴ്സ് അവേക്കൻസ് (2015), വരാൻപോകുന്ന സ്റ്റാർ വാർസ് : എപ്പിസോഡ് IX (2019) തുടങ്ങിയ ചിത്രങ്ങൾ അദ്ദേഹം രചന നിർവഹിക്കുകയോ അല്ലെങ്കിൽ നിർമ്മിക്കുകയോ ചെയ്തു.
ജെ. ജെ. എബ്രാംസ് | |
---|---|
ജനനം | Jeffrey Jacob Abrams (1966-06-27) ജൂൺ 27, 1966 (57 വയസ്സ്) New York City, New York, U.S. |
വിദ്യാഭ്യാസം | Palisades Charter High School |
കലാലയം | Sarah Lawrence College |
തൊഴിൽ | Film director, producer, screenwriter, composer |
സജീവ കാലം | 1982–present |
ജീവിതപങ്കാളി(കൾ) | Katie McGrath (m. 1996) |
കുട്ടികൾ | 3 |
മാതാപിതാക്ക(ൾ) | Gerald W. Abrams Carol Ann Kelvin |
ഫെലിസിറ്റി (സഹ-സ്രഷ്ടാവ്, 1998-2003), അലിയാസ് (സ്രഷ്ടാവ്, 2001-2006), ലോസ്റ്റ് (സഹ-സ്രഷ്ടാവ്, 2004-2010), ഫ്രിഞ്ച് (സഹ-സ്രഷ്ടാവ്, 2008-2013) എന്നിവ ഉൾപ്പെടെ നിരവധി ടെലിവിഷൻ പരമ്പരകൾ അബ്രാംസ് സൃഷ്ടിച്ചിട്ടുണ്ട്. ലോസ്റ്റ് എന്ന പരമ്പരക്ക് മികച്ച സംവിധാനം, മികച്ച ഡ്രാമ പരമ്പര എന്നീ ഇനങ്ങളിൽ രണ്ട് എമ്മി അവാർഡുകൾ കരസ്ഥമാക്കി.
മിഷൻ: ഇംപോസിബിൾ III (2006), സ്റ്റാർ ട്രെക്ക് (2009), അതിന്റെ തുടർച്ചയായ സ്റ്റാർ ട്രെക്ക് ഇൻറ്റു ഡാർക്ക്നെസ്സ് (2013), സൂപ്പർ 8 (2011) തുടങ്ങിയ ചിത്രങ്ങൾ അദ്ദേഹം സംവിധാനം ചെയ്തു. 2015 ഇറങ്ങിയ സ്റ്റാർ വാർസ്: ദ ഫോഴ്സ് അവേക്കൻസ് എന്ന ചിത്രത്തിന്റെ സംവിധാനവും സഹരചനയും നിർവഹിച്ചു. ഈ ചിത്രം സ്റ്റാർ വാർസ് ചലച്ചിത്ര പരമ്പരയിൽ ഏറ്റവും അധികം വരുമാനം നേടിയ ചിത്രവും എക്കാലത്തെയും ഏറ്റവും വരുമാനം നേടുന്ന മൂന്നാമത് ചിത്രവുമായി. 2019 ൽ ഇറങ്ങാനിരിക്കുന്ന സ്റ്റാർ വാർസ്: എപ്പിസോഡ് IX എന്ന ചിത്രത്തിൽ അദ്ദേഹം ഈ ചുമതലകൾ തുടർന്നും നിർവഹിക്കും.[2]