ജെയിംസ് മക്അവോയ്
From Wikipedia, the free encyclopedia
ജെയിംസ് മക്അവോയ് ജൂനിയർ (ജനനം 21 ഏപ്രിൽ 1979) ഒരു സ്കോട്ടിഷ് നടനാണ്. കൗമാരപ്രായത്തിൽ ദ നിയർ റൂമിൽ (1995) അഭിനയരംഗത്തേക്ക് പ്രവേശിച്ച അദ്ദേഹം 2003 ൽ ചലച്ചിത്ര രംഗത്ത് സജീവമാകുന്നതുവരെ പ്രധാനമായും ടെലിവിഷൻ രംഗത്താണ് പ്രവർത്തിച്ചത്. അദ്ദേഹത്തിന്റെ ശ്രദ്ധേയമായ ടെലിവിഷൻ സൃഷ്ടികളിൽ ത്രില്ലർ സ്റ്റേറ്റ് ഓഫ് പ്ലേ, സയൻസ് ഫിക്ഷൻ മിനി-സീരീസ് ഫ്രാങ്ക് ഹെർബർട്ടിസ് ചിൽഡ്രൻ ഓഫ് ഡ്യൂൺ എന്നിവ ഉൾപ്പെടുന്നു. നിരവധി വെസ്റ്റ് എൻഡ് പ്രൊഡക്ഷനുകളിൽ അഭിനയിച്ച അദ്ദേഹം മികച്ച നടനുള്ള ലോറൻസ് ഒലിവിയർ അവാർഡിനായി മൂന്ന് നോമിനേഷനുകൾ നേടിയിട്ടുണ്ട്, കൂടാതെ ഗ്നോമിയോ ആൻഡ് ജൂലിയറ്റ്, അതിന്റെ തുടർച്ചയായ ഷെർലക് ഗ്നോംസ്, ആർതർ ക്രിസ്മസ് എന്നിവയുൾപ്പെടെയുള്ള അനിമേഷൻ ചിത്രങ്ങൾക്കായി ശബ്ദം നൽകിയിട്ടുണ്ട്.
ജെയിംസ് മക്അവോയ് | |
---|---|
ജനനം | (1979-04-21) 21 ഏപ്രിൽ 1979 (45 വയസ്സ്) ഗ്ലാസ്ഗോ, സ്കോട്ട്ലൻഡ് |
ദേശീയത | സ്കോട്ടിഷ് |
തൊഴിൽ | നടൻ |
സജീവ കാലം | 1995 - ഇന്നുവരെ |
ജീവിതപങ്കാളി(കൾ) | ആൻ-മേരി ഡഫ്
(m. 2006; div. 2016) |
കുട്ടികൾ | 1 |
2003 ൽ മക്അവോയ് ബോളിവുഡ് ക്വീൻ എന്ന ചിത്രത്തിൽ പ്രധാന വേഷത്തിൽ പ്രത്യക്ഷപ്പെട്ടു. ഇതിനെത്തുടർന്ന് ദി ക്രോണിക്കിൾസ് ഓഫ് നാർനിയ: ദി ലയൺ, ദി വിച്ച് ആൻഡ് വാർഡ്രോബ് (2005) എന്ന ചലച്ചിത്രത്തിൽൽ മിസ്റ്റർ ടംനസ് എന്ന കഥാപാത്രത്തെ അവതരിപ്പിച്ചു. കെവിൻ മക്ഡൊണാൾഡിന്റെ ദ ലാസ്റ്റ് കിംഗ് ഓഫ് സ്കോട്ട്ലൻഡ് (2006) എന്ന നാടകത്തിലെ അദ്ദേഹത്തിന്റെ പ്രകടനം മികച്ച സഹനടനുള്ള ബാഫ്റ്റ അവാർഡ് ഉൾപ്പെടെ നിരവധി അവാർഡുകൾ നേടി. നിരൂപക പ്രശംസ നേടിയ അറ്റോൺമെന്റ് (2007) എന്ന റൊമാന്റിക് നാടക യുദ്ധ ചിത്രത്തിലെ പ്രകടനം അദ്ദേഹത്തിന് ഗോൾഡൻ ഗ്ലോബ് അവാർഡ് നാമനിർദ്ദേശവും രണ്ടാമത്തെ ബാഫ്റ്റ നാമനിർദ്ദേശവും നേടികൊടുത്തു. പിന്നീട് വാണ്ടഡ് (2008) എന്ന ആക്ഷൻ ത്രില്ലറിൽ പുതുതായി പരിശീലനം ലഭിച്ച ഒരു കൊലയാളിയായി അദ്ദേഹം പ്രത്യക്ഷപ്പെട്ടു.
2011 ൽ എക്സ്-മെൻ: ഫസ്റ്റ് ക്ലാസ് (2011) എന്ന സൂപ്പർഹീറോ ചിത്രത്തിൽ പ്രൊഫസർ ചാൾസ് സേവ്യറായി മക്അവോയ് അഭിനയിച്ചു, എക്സ്-മെൻ: ഡെയ്സ് ഓഫ് ഫ്യൂച്ചർ പാസ്റ്റ് (2014), എക്സ്-മെൻ: അപ്പോക്കാലിപ്സ് (2016), ഡെഡ്പൂൾ 2 (2018), ഡാർക്ക് ഫീനിക്സ് (2019) എന്നീ ചിത്രങ്ങളിൽ ഈ വേഷം മക്അവോയ് തുടർന്നും അവതരിപ്പിച്ചു.[1] ക്രൈം കോമഡി-നാടക ചിത്രമായ ഫിൽത്ത് (2013) ൽ മക്അവോയ് അഭിനയിച്ചു, ഇതിനായി ബ്രിട്ടീഷ് സ്വതന്ത്ര ചലച്ചിത്ര അവാർഡിലെ മികച്ച നടനുള്ള പുരസ്കാരം നേടി.[2] 2016 ൽ എം. നൈറ്റ് ശ്യാമളന്റെ സ്പ്ലിറ്റ് എന്ന ചിത്രത്തിൽ 23 ഇതര വ്യക്തിത്വങ്ങളുള്ള കെവിൻ ക്രംബ് എന്ന വ്യക്തിയെ അദ്ദേഹം അവതരിപ്പിച്ചു, ഇതിന് നിരൂപക പ്രശംസ ലഭിച്ചു[3][4] , പിന്നീട് 2019 ൽ ഈ ചിത്രത്തിന്റെ തുടർച്ചയായ ഗ്ലാസ് എന്ന ചിത്രത്തിൽ ഈ വേഷം വീണ്ടും അവതരിപ്പിച്ചു.