ക്രിസ്റ്റഫർ മാർലോ
From Wikipedia, the free encyclopedia
എലിസബത്തിയൻ കാലഘട്ടത്തിലെ പ്രശസ്തനായ ആംഗലേയ നാടകകൃത്തും കവിയും പരിഭാഷകനുമായിരുന്നു ക്രിസ്റ്റഫർ മാർലോ.(ജനനം: 26 ഫെബ്രുവരി 1564; മരണം: 30 മേയ് 1593) ഷേക്സ്പിയർ കഴിഞ്ഞാൽ എലിസബത്തൻ കാലത്തെ ഏറ്റവും പ്രശസ്തനായ നാടകകൃത്തായി കണക്കാക്കപ്പെടുന്ന മാർലോയെ, അദ്ദേഹം പിന്തുടർന്ന ബ്ലാങ്ക് വെഴ്സ് (blank verse) രചനാശൈലിയും, ദുരൂഹസാഹചര്യങ്ങളിലുള്ള മരണവും കൂടുതൽ ശ്രദ്ധേയനാക്കി.
ക്രിസ്റ്റഫർ മാർലോ | |
---|---|
തൊഴിൽ | നാടകകൃത്ത്, കവി |
ദേശീയത | ഇംഗ്ലിഷ് |
Period | 1586 മുതൽ 93 |
സാഹിത്യ പ്രസ്ഥാനം | ആംഗലേയ നവോത്ഥാന നാടകവേദി |
കയ്യൊപ്പ് |
1593 മേയ് പതിനെട്ടാം തിയതി അദ്ദേഹത്തിനെതിരെ ഒരു കാരണമില്ല വാറണ്ട് പുറപ്പെടുവിക്കുകയും, മേയ് ഇരുപതാം തിയതി പ്രിവി കൌൺസിലിന് മുൻപാകെ അദ്ദേഹത്തെ കൊണ്ടുവരികയും ചെയ്തു. അതിനുശേഷം എല്ലാ ദിവസവും കൌൺസിലിന് മുൻപാകെ ഹാജരാകണമെന്ന ഉത്തരവ് കൌൺസിൽ പുറപ്പെടുവിക്കുകയും ചെയ്തു. മതവിരുദ്ധമായ ഒരു രചന അദ്ദേഹം നടത്തി എന്നാരോപിച്ചാണ് ഈ അറസ്റ്റ് എന്നാണ് കരുതപ്പെടുന്നത്. എന്നാൽ ഈ സംഭവത്തിന് പത്ത് ദിവസത്തിന് ശേഷം മാർലോവിനെ, ഇൻഗ്രാം ഫ്രിസർ എന്നയാൾ കുത്തിക്കൊല്ലുകയാണുണ്ടായത്. അദ്ദേഹത്തിന്റെ കൊലപാതകവും അറസ്റ്റും തമ്മിൽ ബന്ധമുണ്ടെന്നും ഇല്ലെന്നും വാദമുണ്ട്.