അലക്സാണ്ടർ റൊമാൻസ്
From Wikipedia, the free encyclopedia
മഹാനായ അലക്സാണ്ടറുടെ ജീവിതത്തെയും വിജയങ്ങളുടെയും വിവരണമാണ് അലക്സാണ്ടർ റൊമാൻസ്. ജീവചരിത്രത്തിന്റെ മൂലതന്തുവിലൂടെ സഞ്ചരിക്കുന്ന ഈ വിവരണം കാല്പനികത നിറഞ്ഞ പ്രണയത്തെ കൂടി ചിത്രീകരിക്കുന്നുണ്ട്. ലോകവ്യാപകമായി വിവിധ ഭാഷകളിൽ പ്രസിദ്ധീകരിക്കപ്പെട്ട ഈ കൃതി, ഗ്രീക്ക് ഭാഷയിലാണ് എഴുതപ്പെട്ടത്. CE 338-ൽ ലാറ്റിനിലേക്ക് വിവർത്തനം ചെയ്യപ്പെട്ടു എന്ന് കരുതപ്പെടുന്നു. പിൽക്കാലത്ത് കാണപ്പെട്ട പല കയ്യെഴുത്ത് പ്രതികളും സൂചിപ്പിക്കുന്നത് കൊട്ടാരം ചരിത്രകാരനായിരുന്ന കാലിസ്റ്റനീസ് ആണ് അലക്സാണ്ടർ റൊമാൻസിന്റെ രചയിതാവ് എന്നാണ്. ചക്രവർത്തിക്ക് മുമ്പു തന്നെ കാലിസ്റ്റനീസ് മരണപ്പെട്ടതിനാൽ ഇത് സമഗ്രമാക്കാൻ സാധിച്ചിരുന്നില്ല. പലപ്പോഴും അജ്ഞാതനായ ഈ രചയിതാവിനെ സൂചിപ്പിക്കാനായി സ്യൂഡോ കാലിസ്റ്റനീസ് എന്ന് പറയാറുണ്ട്.
ഈ ലേഖനത്തിന്റെ ശൈലി-ഘടന പ്രശ്നങ്ങൾ ശരിയാക്കാൻ തിരുത്തലുകൾ വേണ്ടിവന്നേയ്ക്കും. (2023 ജൂൺ) |
നാലാം നൂറ്റാണ്ട് മുതൽ പതിനാറാം നൂറ്റാണ്ട് വരെയുള്ള കാലയളവിലായി അലക്സാണ്ടർ റൊമാൻസ് ഒട്ടുമിക്ക യൂറോപ്യൻ ഭാഷകളിലേക്കും വിവർത്തനം ചെയ്യപ്പെട്ടു. കൂടാതെ അറബി ഭാഷ, കോപ്റ്റിക്, ഗീയസ്, ബൈസാന്റിയൻ ഗ്രീക്ക്, അർമേനിയൻ, പേർഷ്യൻ, സിറിയക്, ഹീബ്രു എന്നിവയിലേക്കും ഇത് തർജ്ജമ ചെയ്യപ്പെട്ടു. ബൈസാന്റിയൻ ഭാഷയിലെ ഒരു സാഹിത്യ വിമർശന ഗ്രന്ഥത്തിൽ ഇതിലെ ഉള്ളടക്കം കവിതാരൂപത്തിൽ കാണുന്നുണ്ട്. ഉള്ളടക്കത്തിലെ വൈവിധ്യവും വ്യതിരിക്തതകളും കാരണം "അലക്സാണ്ടർ റൊമാൻസ്" ഒരു കൃതിയെന്നതിലുപരി സാഹിത്യശാഖയായി പരിഗണിക്കുന്നവരുണ്ട്[1].