Wormvörmig aanhengsel
From Wikipedia, the free encyclopedia
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
't Wormvörmig aanhengsel of de appendix vermiformis is e dun rólróndj aanhengsel van einige tót sóms 15 centimaeter lingde. 't Is 'n aanhengsel van de derm det in 't verlingde van 't caecum, ofwaal d'n eigentlike blinjenderm, ligk. 't Bevat väöl lymfekleerweefsel en 'n rudimentair holte die nao de blinjederm haer aop is. 't Is gelaege in 't kwadrant rechsónger van 't abdomen, ouch waal de rechse fossa iliaca geneump.
Bie 'n blinjendermóntsjtaeking (appendicitis) is 't d'n appendix dae is óntsjtaoke en neet d'n eigentlike blinjenderm. Veur de miens mit zie modern dieet en laeveswies liek d'n appendix meer risico es nöt te versjaffe.
't Eweghaole van 't wormvörmig aanhengsel hèt 'n appendectomie.