Austrëtt vum Vereenegte Kinnekräich aus der Europäescher Unioun
From Wikipedia, the free encyclopedia
Den Austrëtt vum Vereenegte Kinnekräich aus der Europäescher Unioun, dacks einfach Brexit genannt, war den 31. Januar 2020, an ass duerch d'Austrëttsofkommes, dat am Januar 2020 ënnerschriwwe gouf, rechtlech festgehale ginn.
Zanter dem 1. Januar 2021 gehéiert d'Vereenegt Kinnekräich, no enger Iwwergangsphas, och net méi zum EU Bannemaart an der Zollunioun. An engem Partnerschafts- a Kooperatiounsofkommes vum 30. Dezember 2020 goufen déi laangfristeg Bezéiungen tëscht dem Vereenegte Kinnekräich an der EU festgeluecht.
Et handelt sech ëm e bis dohin eemolege Schratt, an d'Diskussiounen iwwer Vir- an Nodeeler dovun ginn, absënns am Vereenegt Kinnekräich, och nom Austrëtt weider, mat am Hannergrond der Schwieregkeet, nei wa méiglech favorabel Handelsaccorde mat anere Länner z'ënnerschreiwen, an de méi schwéieren Handelsbezéiunge mat der EU vu baussent dem Bannemmart.