ಹಗಲುಗನಸು
From Wikipedia, the free encyclopedia
ಹಗಲುಗನಸು ಪ್ರಸಕ್ತ ಬಾಹ್ಯ ಕಾರ್ಯಗಳಿಂದ ನಿರ್ಲಿಪ್ತವಾಗುವಂತೆ ಮಾಡುವ ಪ್ರಜ್ಞೆಯ ಹರಿವು ಮತ್ತು ಹಗಲುಗನಸು ಕಾಣುವವರ ಗಮನವು ಹೆಚ್ಚು ವೈಯಕ್ತಿಕ ಹಾಗೂ ಆಂತರಿಕ ದಿಕ್ಕಿನತ್ತ ಸಾಗುತ್ತದೆ (ಆಂಗ್ಲದಲ್ಲಿ ಡೇಡ್ರೀಮಿಂಗ್). ಈ ವಿದ್ಯಮಾನವು ಜನರ ದೈನಂದಿನ ಜೀವನದಲ್ಲಿ ಸಾಮಾನ್ಯವಾಗಿದೆ ಎಂದು ದೊಡ್ಡ ಪ್ರಮಾಣದ ಅಧ್ಯಯನವು ತೋರಿಸಿಕೊಟ್ಟಿತು. ಈ ಅಧ್ಯಯನದಲ್ಲಿ ಭಾಗವಹಿಸಿದವರು ತಮ್ಮ ಜಾಗೃತ ಸಮಯದಲ್ಲಿನ ಸರಾಸರಿ ಶೇಕಡ ೪೭ ರಷ್ಟು ಸಮಯವನ್ನು ಹಗಲುಗನಸು ಕಾಣುವುದರಲ್ಲಿ ಕಳೆದರು.[1] ಈ ವಿದ್ಯಮಾನಕ್ಕೆ ವಿವಿಧ ಹೆಸರುಗಳಿವೆ, ಮನಸ್ಸಿನ ಅಲೆದಾಟ, ಕಲ್ಪಿತ ಭ್ರಮಾಚಿತ್ರ, ಅಪ್ರಯತ್ನಿತ ವಿಚಾರಗಳು, ಮುಂತಾದವು. ಜೆರೋಮ್ ಎಲ್. ಸಿಂಗರ್ ಡೇಡ್ರೀಮಿಂಗ್ ಎಂಬ ಪದವನ್ನು ಮೊದಲು ಬಳಸಿದರು. ಇವರ ಸಂಶೋಧನಾ ಯೋಜನೆಗಳು ಈ ಕ್ಷೇತ್ರದಲ್ಲಿನ ಬಹುತೇಕ ಇಂದಿನ ಎಲ್ಲ ನಂತರದ ಸಂಶೋಧನೆಗೆ ಅಡಿಪಾಯ ಹಾಕಿದವು. ಇಂದು ಸಂಶೋಧಕರು ನಿಗದಿಮಾಡಿದ ಪದಗಳ ಪಟ್ಟಿಯು ಹಗಲುಗನಸಿನ ವಿದ್ಯಮಾನದ ಸಾಮಾನ್ಯ ಲಕ್ಷಣಗಳನ್ನು ಗುರುತಿಸುವುದರ ಮೇಲೆ ಮತ್ತು ಸಂಶೋಧಕರ ನಡುವೆ ಸಾಮೂಹಿಕ ಕಾರ್ಯವನ್ನು ವೃದ್ಧಿಪಡಿಸುವಲ್ಲಿ ಸವಾಲುಗಳನ್ನು ಹಾಕುತ್ತದೆ.[2]