დიდი ირანი
From Wikipedia, the free encyclopedia
დიდი ირანი (სპარს. ایران بزرگ — Iran-e bozorg ან ایرانزمین — Iranzamin), «ირანული კულტურული კონტინენტი» — ისტორიული რეგიონი, რომელიც იმყოფებოდა ან იმყოფება ირანის კულტურის მნიშვნელოვანი გავლენის ქვეშ. დიდი ირანი მოიცავს თანამედროვე ირანის, ამიერკავკასიის ქვეყნების, ცენტრალური აზიის, ავღანეთის, პაკისტანისა და ქურთისტანის ტერიტორიებს. დიდი ირანის კონცეფცია მხოლოდ კულტურულ-ისტორიულ ხასიათს ატარებს და რაიმე პოლიტიკურ მნიშვნელობას არ იძენს. დიდი ირანი ჩვ. წ. III საუკუნეში ჩაისახა სპარსეთის სასანიდების იმპერიის კულტურულ ექსპანსიასთან ერთად.[1][2][3]