Ֆրանսիայի ամենագեղեցիկ գյուղերը
From Wikipedia, the free encyclopedia
«Ֆրանսիայի ամենագեղեցիկ գյուղերը» (ֆր.՝ Les plus beaux villages de France), 1982 թվականին ստեղծված ֆրանսիական միավորում, որի նպատակը հարուստ մշակութային ժառանգություն ունեցող ֆրանսիական փոքրիկ և գեղատեսիլ գյուղերում տուրիզմի խթանումն է։ 2015 թվականի մարտի 1-ի դրությամբ «Ֆրանսիայի ամենագեղեցիկ գյուղերը» ցանկում ներառված է 156 ֆրանսիական գյուղ[1]։
Միությանը միանալու համար կան որոշակի չափանիշներ՝ գյուղի բնակչության թվաքանակը չպետք է գերազանցի 2000-ը, գյուղը պետք է ունենա առնվազն երկու պահպանվող տարածք կամ օբյեկտ (գեղատեսիլ կամ լեգենդար վայրեր կամ գիտական տարածքներ, որոնք ունեն գեղարվեստական կամ պատմական հետաքրքրություն), և ընդունման հայտը պետք է հաստատվի համայնքային խորհրդի կողմից[2]։
Ինչպես նաև հաշվի է առնվում լանդշաֆտի պահպանման քաղաքակությունը, հողօգտագործման հաստատված առանձնահատկությունները, շենքերի սահմանափակ կառուցում և գյուղի գեղագիտական տեսքի պահպանումը։ Այս քաղաքականությունը կարող է պահել տնտեսական զարգացումը, սակայն երաշխավորում է զբոսաշրջիկների կարևոր և շարունակական հոսք։
Նմանատիպ միավորումներ ստեղծվել են Վալոնիայում, Քվեբեկում, Իտալիայում և Իսպանիայում։