Մերձդնեպրյան ցածրավայր
From Wikipedia, the free encyclopedia
Մերձդնեպրյան ցածրավայր կամ Դնեպրյան ցածրավայր (ուկրաիներեն՝ Придніпро́вська низовина́, Дніпровська низовина, նաև՝ Մերձդնեպրյան դաշտավայր, Դնեպրյան դաշտավայր), ցածրավայր Արևելաեվրոպական հարթավայրի հարավում, Դնեպր գետի ձախ ափին, Բելառուսիայի և Ուկրաինայի տարածքներում (Չեռնիգովի, Սումիի, Պոլտավայի և մասնակիորեն Կիևի, Չերկասիի, Դնեպրոպետրովսկի և Խարկովի մարզեր)։
Մերձդնեպրյան ցածրավայրը բաղկացած է Դնեպրի լայն հովիտից նրա ողողադաշտի տերասներով։ Սահմանագծված է Միջինռուսական և Մերձդնեպրյան բարձրավայրերով։ Հարավում սահմանակից է Դոնեցկի և Մերձազովյան բարձրավայրերի և Մերձսևծովյան ցածրավայրի հետ։ Մերձդնեպրյան ցածրավայրի սահմաններում առանձնացնում են երկու ենթաշրջան՝ Մերձդնեպրյան հարթավայրը և Պոլտավայի հարթավայրը։
Ցածրավայրի բարձրությունները ընկած են 50 - 160 մ միջակայքում, ամենաբարձր կետը՝ 236 մ, լայնությունը հասնում է 120 կմ։ Կազմված է ֆլյուվիոգլյացիալ և ալյուվիալ-լճային ավազներից, ավազակավերից, լյոսերից։
Մերձդնեպրյան ցածրավայրի մեծ մասը մշակվում է։ Այստեղ զարգացած է գյուղատնտեսությունը, զարգացած անասնապահությամբ և հողագործությամբ։
Առկա են գազի և նավթի հանքավայրեր (Դնեպրո-Դոնեցկյան նավթագազային շրջան), քարաղ, շինարարական նյութեր։
Սա աշխարհագրության մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 497)։ |