Florenc
From Wikipedia, the free encyclopedia
Florenc (italsce Firenze) je wulkoměsto z něhdźe 380.000 wobydlerjemi w Toskanje na sewjeru Italskeje. Metropolowy region ma 1,5 milionow wobydlerjow, tuž je Florenc najwjetše město kaž tež stolica Toskany. Leži při rěce Arno a južnje Apenninow.
| ||
Wopon | ||
---|---|---|
| ||
Zakładne daty | ||
stat | Italska | |
region | Toskana | |
metropolowe město | Metropolowe město Florenc | |
wysokosć | 50 metrow n.m.hł. | |
přestrjeń | 102 km² | |
wobydlerstwo | 382.808 (2015) | |
hustosć zasydlenja | 3.753 wob./km² | |
póstowe čisło | 50100 | |
předwólba | (+39) 055 | |
webstrona | comune.firenze.it | |
Katedrala Santa Maria del Fiore | ||
Jako srjedźišćo srjedźowěkowskeho europskeho wikowanskeho a finančneho systema a sydło wliwneje swójby Medici bě w 15. a 16. lětstotku jedne z najbohatšich městow kontinenta. Florenc płaći jako kolebka renesansy. Dla wulkeho kulturneho wuznama – wosebje za tworjace wuměłstwo – mjenuje so hižo wot 19. lětstotka tež jako „italski Athen“. Wjele wuměłcow a duchownych měješe město za domiznu, tak na přikład Leonardo da Vinci, Michelangelo a Galileo Galilei. Wot 1982 słuša historiske nutřkowne město k swětowemu herbstwu UNESCO.
Wot 1865 do 1870 bě Florenc stolica nowozałoženeho kralestwa Italskeje.