89ª edición dos Óscar
From Wikipedia, the free encyclopedia
A 89.ª entrega dos premios Óscar tivo lugar o día 26 de febreiro de 2017 no Dolby Theatre dos Ánxeles (Estados Unidos). Durante a cerimonia, AMPAS presentou os Premios Óscar en 24 categorías. A cerimonia, televisada nos Estados Unidos pola ABC, foi producida por Michael De Luca e Jennifer Todd e dirixida por Glenn Weiss.[1][2] O cómico Jimmy Kimmel foi o mestre de cerimonias por vez primeira.[3]
Moonlight gañou tres premios, incluíndo mellor filme, e La La Land gañou máis premios que calquera outra produción, un total de seis, e estaba nomeado en 14 categorías. Nun primeiro momento comunicouse que La La Land gañara o mellor filme, mais deseguido aclarouse que Moonlight fora a auténtica gañadora.[4][5] Hacksaw Ridge e Manchester by the Sea gañaron dous premios cada un. Outros gañadores cun só premio foron Arrival, Animais fantásticos e onde atopalos, Fences, The Jungle Book, O.J.: Made in America, Piper, Forušande, Sing, Escuadrón Suicida, The White Helmets e Zootopia.