88ª edición dos Óscar
From Wikipedia, the free encyclopedia
A 88.ª entrega dos premios Óscar tivo lugar o día 28 de febreiro de 2016 no Dolby Theatre dos Ánxeles (Estados Unidos). O mestre de cerimonia foi, por segunda vez, Chris Rock.[1]
Spotlight gañou dous premios incluído o de mellor filme, converténdose no primeiro filme desde O maior espectáculo do mundo en gañar só outro premio á parte do principal. Mad Max: Fury Road, con seis galardóns, foi o filme máis premiado da edición.[2] The Revenant gañou tres premios, incluídos o de mellor director (segundo consecutivo na categoría para Alejandro González Iñárritu e mellor actor para Leonardo DiCaprio, primeira vitoria tras cinco candidaturas previas en máis de vinte anos. A audiencia televisiva foi de 34.42 millóns de telespectadores nos Estados Unidos.[3]