Republyk Feneesje
From Wikipedia, the free encyclopedia
De Republyk Feneesje, formeel de Aldertrochloftichste Republyk Feneesje (Italjaansk: Serenissima Repubblica di Venezia; Fenesiaansk: Serenìsima Repùblica de Venesia) wie in ûnôfhinklike steat yn Jeropa dy't bestie fan 'e sânde iuw oant de Frânske Tiid. Dizze steat hie in mingde steatsfoarm as in oligargyske republyk mei in keazen monargy. De hearsker wie de hartoch of doge. It sintrum fan 'e Republyk Feneesje wie de stêd Feneesje, dy't no yn noardeastlik Itaalje leit, mar dêrwei wreide de republyk him meitiid út oer eilannen en kustgebieten yn 'e Adriatyske, Ioanyske, Egeyske, Levantynske en (hiel koart) Swarte See. Hoewol't de Republyk Feneesje in lange skiednis fan oarloch en ferovering hie, is syn moderne reputaasje fierhinne basearre op syn status as ekonomyske grutmacht, benammen op it mêd fan 'e hannel en skipfeart. De republyk stie wol bekend ûnder de bynamme la Serenissima ("de Aldertrochloftichste").
Aldertrochloftichste Republyk Feneesje Serenissima Repubblica di Venezia (Italjaansk) Serenìsima Repùblica de Venesia (Fenesiaansk) | |
---|---|
697 – 1797 | |
flagge | wapen |
geografyske lokaasje | |
De Republyk Feneesje yn 1789. | |
polityk | |
haadstêd | Eraclea (697–742) Malamocco (742–810) Feneesje (810–1797) |
offisjele taal | Latyn Italjaansk (Fenesiaansk) |
steatsfoarm | oligargyske republyk mei keazen monargy |
ûntstien út | it Byzantynske Ryk |
opgien yn | Aartshart. Eastenryk Republyk Frankryk Sisalpynske Republyk |
no diel fan | Albaanje Grikelân Itaalje Kroaasje Montenegro Syprus Sloveenje |
sifers | |
ynwennertal | 2,1 miljoen (±1500) |
befolkingstichtens | 30 / km² (±1500) |
oerflak | 70.000 km² (±1500) |
bykommende ynformaasje | |
muntienheid | Fenesiaanske lire |