Jurassic World: Fallen Kingdom
From Wikipedia, the free encyclopedia
Jurassic World: Fallen Kingdom, soms oantsjut as Jurassic World II, is in Amerikaanske science fiction-horrorfilm en rampefilm út 2018 ûnder rezjy fan J.A. Bayona, mei yn 'e haadrollen Bryce Dallas Howard en Chris Pratt. It is de fyfde film út 'e Jurassic Park-filmsearje en it twadde diel fan 'e Jurassic World-trilogy. De titel betsjut "Sjuerawrâld: Fallen Keninkryk", en ferwiist nei it Sjuera, in geologysk tiidrek doe't de dinosauriërs de wrâld behearsken. It ferhaal folget Claire Dearing en Owen Grady, de haadpersoanen út 'e film Jurassic World (2015), by harren weromkear nei Isa Nublar, it eilân foar de kust fan Kosta Rika dêr't dinosauriërs libje. As dêr in fulkaanútbarsting driget dy't alle libben op it eilân útwiskje sil, biedt in rike filantroop oan om in rêdingsaksje te finansieren. Ienris op Isla Nublar ûntdekke Claire en Grady dat se bedragen binne. Jurassic World: Fallen Kingdom krige mingde resinsjes fan 'e filmkritisy, mar wie yn 'e bioskopen in reuseftich kommersjeel súkses. In sechsde diel yn 'e Jurassic Park-rige, mei as titel Jurassic World: Dominion, kaam út yn 2022.
Jurassic World: Fallen Kingdom | ||
film | ||
(Filmposter yn 'e Ingelske Wikipedy) | ||
makkers | ||
regisseur | J.A. Bayona | |
produsint | Frank Marshall Patrick Crowley Belén Atienza | |
útfierend produsint | Colin Trevorrow Steven Spielberg | |
senario | Derek Connolly Colin Trevorrow | |
kamerarezjy | Óscar Faura | |
muzyk | Michael Giacchino | |
filmstudio | Amblin Entertainment Universal Pictures Legendary Pictures Perfect World Pictures The Kennedy/Marshall Company | |
distribúsje | Universal Pictures | |
spilers | ||
haadrollen | Bryce Dallas Howard Chris Pratt | |
byrollen | Rafe Spall Daniella Pineda Justice Smith Isabella Sermon Ted Levine James Cromwell | |
skaaimerken | ||
lân/lannen | Feriene Steaten | |
premiêre | 21 maaie 2018 | |
foarm | langspylfilm | |
sjenre | science fiction-horrorfilm | |
taal | Ingelsk | |
spyltiid | 128 minuten | |
budget en resultaten | ||
budget | $170–187 miljoen | |
opbringst | $1.310,4 miljoen | |
filmsearje | ||
filmsearje | Jurassic Park | |
● foarich diel | Jurassic World | |
● folgjend diel | Jurassic World: Dominion |