Hillich Grêftsjerke
From Wikipedia, the free encyclopedia
De Tsjerke fan it Hillich Grêf, koartwei de Hillich Grêftsjerke, is in tsjerkegebou yn de histoaryske binnenstêd fan Jeruzalim, Israel. De tsjerke is ien fan de hilligste plakken fan it Kristendom en stiet op it plak dêr't, neffens tradysjes dy't yn alle gefallen op de fjirde iuw werom geane, de krusiging fan Jezus fan Nazaret plakfûn en it lege grêf, dêr't Jezus begroeven waard en opstien is.
Hillich Grêftsjerke
כנסיית הקבר | ||
bouwurk | ||
lokaasje | ||
lân | Israel | |
plak | Jeruzalim | |
bysûnderheden | ||
type bouwurk | Tsjerke | |
boujier | ynwijing 13 septimber 335, ferneatige yn 1009, weropboud yn 1048 | |
offisjele webside | ||
Side Grêftsjerke |
It grêf is troch in Aedicula, in 19e iuwsk hillichdom, omsletten. Yn de tsjerke binne de lêste fjouwer (of neffens guon beskriuwings fiif) staasjes fan de Via Dolorosa, dy't de lêste episoades fan it lijen fan Jezus ferstsjintwurdigje. Sûnt de oprjochting yn de fjirde iuw is de tsjerke in wichtich beafeartsplak, dêr't ek de opstanning fan Jezus plak fûn hawwe soe. Yn de eastersk-otterdokske tjerken wurdt it hillichdom dêrom ek mei Tsjerke fan de Opstanning oantsjut.
Hjoeddedei tsjinnet it gruttere kompleks om de Grêftsjerke ek as de sit fan de gryksk-otterdokske patriarch fan Jeruzalim, wylst it behear fan de tsjerke dield wurdt troch ferskillende kristlike denominaasjes yn komplekse oerienkomsten regele is, dy't al sûnt 160 jier gjin feroarings ûndergien hawwe en guon dêrfan noch folle âlder binne. De roomsk-katolike, gryksk-otterdokske en armeenske-apostolyske tsjerken binne de wichtichste denominaasjes dy't eigendommen yn 'e tsjerke hawwe, yn mindere mate ek de koptyske, Syryske en Etiopyske otterdokske tsjerken. Protestanten binne yn de tsjerke net fertsjintwurdige.
Al iuwenlang binne de kaaien fan de tsjerke yn behear by twa islamityske famyljes: de famylje Joudeh bewarret de kaaien en de famylje Nusseibeh iepenet moarns de doar en slút dy jûns wer.
De tsjerke is ûnderdiel fan it UNESCO wrâlderfgoed fan de Alde Stêd yn Jeruzalim.