Txikipedia:Hostoerorkor
From Wikipedia, the free encyclopedia
Landare hostoerorkorrak (hostogalkorrak edo kaduzifolioak) dira urtearen zati batean hosto guztiak galtzen dituzten landare, zuhaixka eta zuhaitzak.
Ez hotz ez bero gehiegi egiten ez duen munduko lekuetan, hosto erorkorreko zuhaitzek urtaro hotz edo lehorretan galtzen dituzte hostoak. Normalean, udazkenean erortzen hasten dira, zuhaitzak ur gutxiago galtzeko. Udazkenean edo urtaro lehorrean, zuhaitz hostoerorkorren hostoek beren klorofila galtzen dute. Hostoen kolore berdea desagertu ahala, pigmentu gorri, hori edo laranjak ikusgarri egiten dira. Bitartean, zelula-geruza ahul bat garatzen da hosto bakoitzeko pezioloaren oinarrian. Geruza ahul horren eraginez, hostoaren euskarria ahuldu eta hostoa erori egiten da gero. Urtaroak berriro aldatzen direnean, hosto berriak hazten dira.