Narcissu
From Wikipedia, the free encyclopedia
Narcissu (in grecu: Νάρκισσος) hè un parsunaghju di a mitulugia greca famosu par a so biddezza. Figliu di a ninfa Liriopi è di u diu fluviali Cifisu (o sicondu un'antra virsioni di Sileni è Endimioni) in u mitu apparisci incridibilamenti crudeli, in quantu disdegna ogni parsona chì l'ama. In seguitu à una punizioni divina s'innamora di a so probbia imaghjini riflessa in unu spichju d'acqua, lascendu si infini mora resu si contu di l'impussibilità di u so amori. Esistini parechji virsioni di u mitu: una pruveni da i papiri di Ossirincu è hè attribuita à Parteniu; un'antra si trova in i Narrazioni di Cunoni, ed hè datata frà u 36 a.C. è u 17 d.C., mentri i più noti sò a virsioni d'Ovidiu, cuntinuta in i Mitamurfosi, è quidda di Pausania pruvinienti da Guida à a Grecia.