Ambuaz qəsri
From Wikipedia, the free encyclopedia
Ambuaz qəsri (fr. Château d'Amboise) — Fransanın Luar vadisində yerləşən Endr və Luara departamentindəki Ambuaz şəhərində yerləşən tarixi şato-qəsr. XV əsrdə monarxiya tərəfindən konfiskasiya edildikdən sonra qəsr, kralların sevimli məkanlarından birinə çevrilmiş və yenidən qurularaq genişləndirilmişdir. 1498-ci ildə Fransa kralı VIII Karl başını qapı kənarına vurduqdan sonra bu qəsrdə vəfat etmişdir.
Ambuaz qəsri | |
---|---|
fr. Château d'Amboise | |
47°24′47″ şm. e. 0°59′09″ ş. u. | |
Ölkə | Fransa |
Şəhər | Ambuaz |
Yerləşir | Endr və Luara, Mərkəz - Luara vadisi |
Sifarişçi | VIII Karl |
Üslubu | Beynəlxalq qotika |
Vəziyyəti | stabil |
Rəsmi sayt | chateau-amboise.com |
Rəsmi adı: The Loire Valley between Sully-sur-Loire and Chalonnes | |
Tipi | Mədəni |
Kriteriya | i, ii, iv |
Təyin edilib | 2000 |
İstinad nöm. | 933 |
Dövlət | Fransa |
Region | Avropa |
Fransa tarixi abidələri | |
Təyin edilib | 1840 |
İstinad nöm. | PA00097503 |
Kateqoriya | Qəsr |
Vikianbarda əlaqəli mediafayllar |
XVI əsrin ikinci yarısından sonra əsasən tərk edilmiş qəsr tənəzzülə uğramış, bir çox daxili tikililər isə uçub-dağılmışdır. Buna baxmayaraq qəsrin əsas tikililəri dövrümüzə çatmış, müdafiə divarları və qüllələr də daxil olmaqla dövrümüzə çatan bütün tikililər əsaslı bərpa edilmişdir. 1840-ci ildə Fransa Mədəniyyət Nazirliyi tikilini tarixi abidə kimi qeydiyyata almışdır. 81 metr hündürlükdə[1] yerləşən qəsr 2000-ci ildə UNESCO tərəfindən Luar vadisindəki digər qəsrlərlə birlikdə Ümumdünya irsi siyahısına daxil edilmişdir.