Xuegos de la Mancomunidá
From Wikipedia, the free encyclopedia
Los Xuegos de la Mancomunidá (n'inglés Commonwealth Games) son un eventu multideportivu que se celebra cada cuatro años y nel que participen deportistes de los países que formen la Mancomunidá de Naciones.
Xuegos de la Mancomunidá | |
---|---|
Xeneral | |
Tipu de competición | actividá deportiva periódica |
Organizador | Commonwealth Games Federation (en) |
Historia | |
Fundación | 1930 |
Competición | |
Periodicidá | Cada 4 años |
Web oficial | |
Vienen ser una versión amenorgada d'unos Xuegos Olímpicos, similares a otros xuegos rexonales que se celebren en distintes partes el mundu, como los Xuegos Panamericanos, los Xuegos Asiáticos, los Xuegos Mediterráneos, etc. Nos Xuegos de la Commonwealth, amás de los deportes habituales como'l atletismu, la natación, la ximnasia o'l ciclismu, apuéstense competiciones de deportes típicos de los países miembros como'l bádminton, críquet, polu, squash, rugby a siete y bowls. Tamién se celebren pruebes pa deportistes con dalguna discapacidá.
Como notes destacaes podemos dicir que los cuatro países que formen parte del Reinu Xuníu (Inglaterra, Escocia, Gales y Irlanda del Norte) compiten n'equipos separaos, a diferencia de lo qu'asocede por casu nos Xuegos Olímpicos, onde toos compiten formando parte de "Gran Bretaña ya Irlanda del Norte". Tamién participen con delegaciones independientes dellos territorios que por razones históriques pertenecen a la corona británica pero non al Reinu Xuníu como la Islla de Man o la Islla de Xerséi.