Sevilla Fútbol Club
From Wikipedia, the free encyclopedia
El Sevilla Fútbol Club ye un club de fútbol español entamáu como sociedá anónima deportiva. Tien la so sede en Sevilla, capital de la comunidá autónoma d'Andalucía, y anguaño xuega na Primer División d'España Foi fundáu'l 25 de xineru de 1890[2][3] y el so primer presidente foi'l vice-cónsul británicu Edward Farquharson Johnston.[4] Darréu foi inscritu nel rexistru d'asociaciones el 14 d'ochobre de 1905, siendo'l so presidente'l xerezanu José Luis Gallegos Arnosa.
Sevilla Fútbol Club | ||||
---|---|---|---|---|
Situación | ||||
Estáu | España | |||
Datos | ||||
Tipu | club de fútbol | |||
Fundáu en | 1905[1] | |||
Propietariu | 777 Partners (es) | |||
Entrenador | Quique Sánchez Flores | |||
Categoría | Primer División d'España | |||
Instalaciones | ||||
Estadiu | Estadiu Ramón Sánchez-Pizjuán | |||
Capacidá | 45 500 | |||
Inaugurao | 7 set 1958 | |||
Dueñu de | 777 Partners (es) | |||
Uniforme | ||||
| ||||
Web oficial | ||||
L'Estadiu Ramón Sánchez-Pizjuán, propiedá del club, ye l'escenariu qu'utiliza l'equipu pa xugar los sos partíos oficiales como llocal. Ta asitiáu nel barriu de Nervión y debe el so nome al que fuera presidente mientres diecisiete años. Tien capacidá pa 42 714 espectadores.[5]
Cuenta na so palmarés con dellos trofeos y títulos que lu converten nel equipu con más títulos rexonales, nacionales ya internacionales de Sevilla y de toa Andalucía. Foi campeón de Lliga una temporada y subcampeón cuatro vegaes; ganó cinco Copes del Rei, cinco Copes de la UEFA (trés d'elles como Europa League), una Supercopa d'España y una Supercopa d'Europa. Militó 73 temporaes en Primer División y 13 en Segunda. El Sevilla F. C. ta allugáu na sesta posición de la clasificación histórica de la Lliga Española de Fútbol.[6] Foi designáu pola Federación Internacional d'Historia y Estadística de Fútbol como'l meyor club del mundu en 2006 y 2007.[7]
La entidá apurrió a la seleición española dellos xugadores a lo llargo de la so historia, empezando con Spencer en 1922 y pasando ente otros por Jesús Navas, quien formó parte del conxuntu que se proclamó en 2010 campeón del mundu y en 2012 campeón d'Europa xunto a Álvaro Negredo; tamién apurrió xugadores de sonadía a seleiciones d'otros países. Cuenta con diversos equipos en categoríes inferiores, como'l Sevilla Atlético, fundáu en 1950 y qu'anguaño xuega en Segunda División.
En 2005 celebró'l centenariu de la so fundación (En 2005 nun se conocíen los fechos de 1890 y considerábase la fecha de fundación del club en 1905) con gran cantidá d'actos sociales y deportivos, habiendo quedáu ente los más populares l'Himnu del Centenariu, la bandera y logo diseñaos pal aniversariu o la portada especial de la Feria d'Abril de dichu añu, según la concesión de la Medaya d'Andalucía.
Caltién una histórica rivalidá col otru equipu profesional de la ciudá, el Real Betis Balompié, col que s'enfrenta nel conocíu derbi sevillanu.