Ríu Sena
From Wikipedia, the free encyclopedia
El ríu Sena (francés: Seine) ye un llargu ríu européu de l'aguada atlántica qu'escurre namái por Francia. Con un llargor de casi 776 km ye'l segundu más llargu del país —el Ródano ye más llargu, pero parte escurre por Suiza— y drena una cuenca de 78 650 km², la 3ª del país y casi un séptimu del territoriu francés. Tien les sos fontes en dellos manantiales a 470 msnm na pandu de Langres, nel departamentu de Côte-d'Or y desagua en forma d'ampliu estuariu en Le Havre, na badea del Sena.
Ríu Sena | |
---|---|
Seine (fr) | |
Situación | |
País | Francia |
Organización territorial | Francia metropolitana |
Rexón | Normandía |
Tipu | río principal (es) |
Coordenaes | 49°26′05″N 0°07′03″E |
Datos | |
Conca hidrográfica | Cuenca del Sena (es) |
Superficie de la conca | 78 650 km² |
Llonxitú | 776,67 km |
Caudal | 500 m³/s |
Nacimientu |
source of the Seine River (en) 47°29′11″N 4°43′01″E |
Desembocadura |
Canal de la Mancha (Le Havre) 49°26′05″N 0°07′03″E |
Afluentes |
ver
|
Alministrativamente, percuerre cuatro rexones franceses —Borgoña-Francu Condáu, Gran Este, Île-de-France y Normandía]— y catorce departamentos —Côte-d'Or, Aube, Marne, Seine-et-Marne, Essonne, Val-de-Marne, París, Hauts-de-Seine, Seine-Saint-Denis, Val-d'Oise, Yvelines, Eure, Sena Marítimu y Calvados—, de los que cuatro lleven el so nome.
Traviesa delles ciudaes importantes —Troyes, Melun, Rouen— y especialmente la capital, París, que se desenvolvió sobre los sos dos márxenes, y na que los percorríos nos típicos bateaux mouches son una atraición turística. Hai trenta y siete pontes parisinos que traviesen el ríu, como'l Pont Louis-Philippe y el Pont Neuf, esti postreru alzáu yá n'añu 1607. Cerca del estuariu ta la ponte de Normandía, una de les más llargues pontes atirantaes del mundu, que xune Le Havre con Honfleur.