Real Sociedad de Fútbol
From Wikipedia, the free encyclopedia
La Real Sociedad de Fútbol, S. A. D. ye un club de fútbol español, de la ciudá de San Sebastián, Guipúzcoa, que milita na Primer División d'España.[1] Foi fundada'l 7 de setiembre de 1909. El so primer equipu, apuesta los sos partíos como llocal nel Estadiu d'Anoeta, con capacidá pa 32.076 espectadores.
Real Sociedad de Fútbol | ||||
---|---|---|---|---|
Situación | ||||
País | España | |||
Autonomía | País Vascu | |||
Provincia | Gipuzkoa | |||
Comarcas | [[d:Special:EntityPage/Q2602877|10px | |||
Estáu | España | |||
Datos | ||||
Nome oficial | Real Sociedad de Fútbol Sociedad Anónima Deportiva | |||
Tipu | club de fútbol | |||
Fundáu en | 7 setiembre 1909 | |||
Presidente | Jokin Aperribay (es) | |||
Entrenador | Imanol Alguacil | |||
Categoría | Primer División d'España | |||
Instalaciones | ||||
Estadiu | Estadiu d'Anoeta | |||
Capacidá | 39 313 | |||
Inaugurao | 29 xnt 1993 | |||
Direición | Anoeta Pasalekua 1, E-20014 San Sebastián | |||
Direición | Roberto Olabe (es) | |||
Uniforme | ||||
| ||||
Web oficial | ||||
La Real Sociedad ye unu de los únicos nueve clubes que se proclamaron campeones del Campeonatu Nacional de Lliga de primer División, con dos títulos consecutivos nes temporaes 1980/81 y 1981/82, amás d'otros trés subcampeonatos.[2] Ocupa'l octavu puestu históricu del campeonatu y ostenta el récor na competición de 32 xornaes consecutives invictu nuna mesma temporada, de la 1979/80.[3][4]Na competición nacional de copa (Copa del Rei), llogró otros dos títulos, el primeru como Club Ciclista de San Sebastián en 1909, y el segundu en 1987, siendo finalista en cinco ediciones más. Amás de los cuatro títulos nacionales ente Lliga y Copa, el club proclamóse supercampeón d'España en 1982, primer edición de la competición. A nivel continental, apostó nueve ediciones de la Copa UEFA/Lliga Europa, una de la Recopa d'Europa y cuatro de la Copa d'Europa/Lliga de Campeones.
A nivel social, cuenta con 23.103 abonaos[5] y ye el séptimu club con mayor porcentaxe d'aficionaos n'España, según la encuesta del CIS de xunu de 2014.[6] El club caltién una rivalidá histórica col Athletic Club, con quien apuesta'l derbi vascu, unu de los derbis con más tradición d'España. Ye, amás, el sestu equipu que más internacionales apurrió a la seleición española de fútbol.