Procesu de Boloña
From Wikipedia, the free encyclopedia
Procesu de Bolonia ye'l nome que recibe'l procesu empecipiáu a partir de la Declaración de Bolonia, alcuerdu qu'en 1999 roblaron los ministros d'Educación de diversos países d'Europa (tantu de la Xunión Europea como d'otros países como Rusia o Turquía), na ciudá italiana de Boloña. Trátase d'una declaración conxunta (la XE nun tien competencies en materia d'educación) que dio entamu a un procesu de converxencia que tenía como oxetivu facilitar l'intercambiu de titulaos y afaer el conteníu de los estudios universitarios a les demandes sociales, ameyorando la so calidá y competitividá al traviés d'una mayor tresparencia y un aprendizaxe basáu nel estudiante cuantificado al traviés de los creitos ECTS.
Tipu | higher education reform (en) |
---|---|
Epónimu | Boloña |
Publicación | 19 xunu 1999 |
Páxina web | Páxina web |
El procesu de Bolonia, magar nun ser un tratáu venceyante, condució a la creación del Espaciu Européu d'Educación Cimera, un ámbitu al que s'incorporaron países y que sirviría de marcu de referencia a les reformes educatives que munchos países habríen d'empecipiar nos primeros años del sieglu XXI.
Pa munchos sectores de la sociedá, el Procesu de Bolonia va más allá de lo roblao en Bolonia,[2] entendiendo aspeutos relativos a tola reforma universitaria que se consideren más importantes, especialmente aquellos referíos al financiamientu de la universidá pública,[3] y cuenta con munchos detractores, que la so principal crítica ye que'l Procesu de Bolonia solo apunta a la privatización y mercantilización de la educación pública y l'educación polo xeneral.[4]