Operación Ópera
From Wikipedia, the free encyclopedia
Plantía:Campaña Guerres del Golfu Pérsicu
Operación Ópera | |||||
---|---|---|---|---|---|
Parte de Conflictu árabe-israelín | |||||
Fecha | 7 xunu 1981 | ||||
Llugar | Reactor nuclear d'Osirak, a 17 quilómetros al sureste de Bagdag, Iraq | ||||
Coordenaes | 33°12′12″N 44°31′07″E | ||||
Causes | Presuntu usu iraquín d'instalaciones nucleares con fines militares. | ||||
Resultáu | Destrucción del reactor nuclear iraquín | ||||
Belixerantes | |||||
| |||||
Comandantes | |||||
| |||||
Fuercies en combate | |||||
| |||||
Baxes | |||||
| |||||
[editar datos en Wikidata] |
La Operación Ópera (hebréu: מבצע אופרה),[1] tamién conocida como Operación Babilonia o Operación Ofra,[2] foi un ataque aereu preventivu realizáu por sorpresa per parte d'Israel, el día 7 de xunu de 1981, contra un reactor nuclear en construcción asitiáu a 17 quilómetros al sureste de Bagdag, capital d'Iraq.[3][4][5]
En 1976, Iraq mercó un reactor nuclear de la clase Osiris a Francia.[6][7] Dambos países afirmaron que'l reactor nuclear, conocíu como Osirak pelos medios franceses y como Tammuz (n'árabe: اوسيراك) polos medios oficiales iraquinos, taba siendo fabricáu con fines pacíficos, como la investigación de la enerxía nuclear.[8] Sicasí, el gobiernu israelín vía al reactor como un peligru, argumentando que taba diseñáu pa la fabricación d'armamentu nuclear.[3]
El 7 de xunu de 1981, una escuadrilla de la Fuercia Aérea Israelina, compuesta por aviones cazabombarderos F-16A Netz, siendo escoltaos por caces F-15A Baz, bombardiaron y estropiaron severamente el reactor nuclear de Osirak.[9] Israel defendió la so actuación argumentando que procedió en defensa propia, y que quedaba menos d'un mes primero que la situación volviérase crítica.[10] Sicasí, otres fontes citen un componente políticu nel ataque, yá que tuvo llugar trés selmanes antes de les eleiciones llexislatives de 1981 pa la formación del nuevu Knesset.[11] Nel ataque morrieron diez soldaos iraquinos y un inxenieru civil francés.[12]
L'ataque foi duramente criticáu pola comunidá internacional, ya Israel foi reprendíu pol Conseyu Xeneral y l'Asamblea Xeneral de les Naciones Xuníes, en dos resoluciones separaes.[13][14] La destrucción del reactor nuclear de Osirak convirtióse n'obligada cita de los efeutos d'un ataque preventivu nel estudiu contemporaneu del derechu internacional.[15][16][17]