Metaficción
From Wikipedia, the free encyclopedia
La metaficción ye una forma de lliteratura o de narrativa autorreferencial que trata les temes del arte y los mecanismos de la ficción en sí mesmos.
Ye un estilu d'escritura que de forma reflexiva o autoconsciente recuerda al llector que ta ante una obra de ficción, y xuega a problematizar la rellación ente ésta y la realidá. Dientro d'un testu de metaficción, la frontera realidá-ficción y el pactu de llectura d'ésta vense frayaes, llamando'l testu l'atención sobre la so propia naturaleza ficcional y la so condición d'artefactu. Acomuñáu polo xeneral a lliteratura modernista y posmoderna, pueden atopase exemplos anteriores nel Quixote de Cervantes, nos Cuentos de Canterbury de Chaucer, en dellos rellatos de Jorge Luis Borges y en delles obres de Stanisław Lem como Vacíu perfectu y Magnitú imaxinaria siendo acertáu citar como unu de los más fuertes exemplos nel usu de la metaficción cual recursu estilísticu la novela Borrina, de Miguel de Unamuno.